တူဝ်သွမ်ၼူမ်း

ၶေႃႈပိုတ်ႇ

ပိုတ်ႇတီႈပွင်ႇတေႃႇ ပၢႆးလႅင်ႊသတ်း (ၾၢႆႇတူဝ်သွမ်ၼူမ်း)။ ပိုတ်ႇပွင်ႇတေႃႇ ပၢႆးလႅင်ႊသတ်း (ၾၢႆႇတူဝ်သွမ်ၼူမ်း) ၼႆႉ ပဵၼ်ပပ်ႉၾၢႆႇပၢႆးသၢႆႊဢၼ်ၼိူင်ႈ၊ ဢၼ်သိုပ်ႇမိုတ်ႈၶႆႊၼႄပၼ် လွင်ႈပၢႆး တူဝ်ၸႂ်၊ တွၼ်ႊၾၢႆႇပၢႆးလႅင်ႊသတ်း၊ ၵိင်ႇၽႄၾၢႆႇတူဝ်သွမ်ၼူမ်းၼၼ်ႉ ပပ်ႉၼိူင်ႈယဝ်ႉ။ ၼႂ်းတူဝ်မီးၸႂ် တင်းလူင်ၼၼ်ႉ တူဝ်သတ်းၶဝ်ၼႆႉ တူဝ်ၼိူင်ႈၶၢႆႉပႆလႅၵ်ႈလၢႆႊဢွၼ်ႈတီႈလႆႈ၊ မီးလွင်ႈမေႃတုမ်ႉတွပ်ႇတေႃႇၶိုၼ်းႁိမ်းႁွမ်းမၼ်း လၢၵ်ႇလၢၵ်ႇလၢႆးလၢႆးယဝ်ႉ။ ၼႂ်းတူဝ်သတ်းတင်းလူင်ၼၼ်ႉသမ်ႉ တူဝ်သွမ်ၼူမ်းၶဝ်ၼႆႉ ပဵၼ်တူဝ်ၸႂ် ဢၼ်သႅၼ်းထၢၼ်ႈသုင် မေႃဢွမ်ႇမေႃပႅင်း၊ မေႃၸွႆႈၵၼ်ၵူၵၼ်တူၺ်းထိုင်ၵၼ်တင်းတၢင်းႁၵ်ႉၽႂ်ႇ။ ၵူၼ်းႁဝ်းၵေႃႈ ပဵၼ် တူဝ်းသတ်းၼႂ်းၸုမ်း တူဝ်သွမ်ၼူမ်းလႄႈ၊ ႁူႉတေႃႇႁူႉ လီလႆႈႁူႉပႃးလွင်ႈတူဝ်ႇၵဝ်ႇ၊ ၶိူဝ်းၸိူဝ်းၸမ်တင်းတူဝ်ၵဝ်ႇၼၼ်ႉလိူဝ် ၸင်ႇတေထုၵ်ႇယဝ်ႉ။ ဢမ်ႇၵွၺ်းႁူႉလွင်ႈပိူၼ်ႈသေ ဢမ်ႇႁူႉလွင်ႈႁဝ်းၼႆႉ တူၺ်းဢဝ်တီႈ လႅၼ်ႊတီႈၼႃႈလိၼ် လွင်ႈတၢင်းလႂ်ၵေႃႈယဝဝ်ႉ တိုၼ်းဝႃႈ ပဵၼ်ဢၼ်ငိူဝ်ႈ ဢၼ်ပွၺ်ႇႁႂ်ႈၶိူဝ်းတူဝ်ၵဝ်ႇ တူၵ်းႁၢႆၼၼ်ႉလၢႆးလဵဝ်ၵွၺ်းယဝ်ႉ။ ၵွပ်ႈၼႆ ၾိင်ႈတႅၵ်ႈမၼ်းတႄႉ ႁႂ်ႈႁူႉလွင်ႈတူဝ်ၵဝ်ႇ ယဝ်ႉသမ်ႉ ၸင်ႇသိုပ်ႇႁူႉပႃးလွင်ႈတၢင်ႇတူဝ်ၶဝ်ၼႆ တေတိူဝ်းလီ တိူဝ်းထုၵ်ႇမႅၼ်ႈ တင်းလၢႆးတၢင်း ဢၼ်ၸိုဝ်ႈၸႂ်ႈမၼ်းယဝ်ႉ။ ယွၼ်ႉၼႆ ၼႂ်းၵႃႊတၢင်းႁူႉပၢႆးသၢႆႊမီးၵူႈမဵဝ်းၼၼ်ႉ ႁဝ်းတႄႇဢဝ်တီႈ တၢင်းႁူႉၾၢႆႇလႅင်ႈတူဝ်သဝတ်း ဢၼ်ပႃးဝႆႉ ၶိူဝ်းၵူၼ်းတူဝ်ၵဝ်ႇ ဢၼ်ပဵၼ် လွင်ႈတူဝ်သွမ်ၼူမ်းၼႆႉသေ တႄႇ လဵပ်ႈႁဵၼ်းၵႂႃႇ ပေႃးၼႆ တေတိူဝ်းသၢင်ႇထုၵ်ႇယူႇ။ ပပ်ႉၼႆႉ ပဵၼ်ၽိုၼ် ဢွၼ်တႄႇၼႃႈသိူဝ်ႇပိုၼ်ႉပၼ်ၵွၺ်းလႄႈ ၶႂ်ႈပဵင်းၸႂ်ၽူႈလူၶဝ်ၶႂ်ႈပဵၼ်ၸင်ႇတေၸၢင်ႊပဵၼ်လႆႈယဝ်ႉ။ ၵူၺ်းဝႃႈႁိုဝ်ၵေႃႈ မီးဝႆႉ ဢိတ်းၼိူင်ႈတႄႇၼႃႈၼႆႉ တေၶႅၼ်းသေ ဢမ်ႇမီးသေဢိတ်းၼၼ်ႉယူႇ။ ႁႂ်ႈပပ်ႉၼႆႉ ပဵၼ်တၢင်းတႄႇပႅင်ႈ တိုၼ်းလၢင်းတၢင်ႈႁူႉ တႃႇၽုၺ်ႇလႆႈတႃတၢင်းသွင်ႁူၺ်ႇ၊ တႃႇတူၺ်းၸမ်တေႃႇတႆးဢွၼ်ႇလႆႈသေ မေႃႁၼ်ၵႆယၢဝ်းတေႃႇလုမ်ႈၾႃႉၵႂႃႇလႆႈၼၼ်ႉၽွင်ႈယူႇပေႃးၼႆတႄႉ၊ တၵ်းတေလႆႈဝႃႈ....ယူႇယဝ်ႉ။

တူဝ်သွမ်ၼူမ်း

ၶေႃႈပိုတ်ႇ

လမ်းၼႂ်း