တူဝ်သွမ်ၼူမ်း/ၸူင်လူင်

ၸူင်ပဵၼ်တူဝ်သွမ်ၼူမ်း ဢၼ်ယႂ်ႇလူင် ၸိူဝ်ႉၼိူင်ႈ၊ ၶဝ်မီးၼေႃး ဢၼ်ၼိူင်ႈ ဢမ်ႇၼၼ် သွင်ဢၼ် ဢွၵ်ၸပ်းဝႆႉတီႈ ၽၢႆႇၼိူဝ်သၼ်ၶူႈလင်ႊၶဝ်ယဝ်ႉ။ ၸူဝ်ၶဝ်ၼႆႉ မီးတူဝ်ၶိင်း ယႂ်ႇလူင်လၢင်၊ တင်းၼင်ၼႃတေႉၼႃဝႃႈ၊ သမ်ႉတင်းတိၼ်ယႂ်ႇ၊ ပွတ်းၼၼ်ႉယဝ်ႉ။ ၸူင်ၶဝ်မီးၸိူဝ်ႉတိုၼ်းႁႃႈမဵဝ်းယဝ်ႉ။ တႃႇသွင်မဵဝ်း ယူႇတီႈ ဢၾ်ႉၾရီးၵႂ်းသေ၊ ထႅင်ႈသၢမ်ၸိူဝ်ႉသမ်ႉ ယူႇတီႈ ၸဵင်ႇၸၢၼ်းဝၼ်းဢွၵ်ႇ ဢေးသီးယႂ်ႆးယဝ်ႉ။ ၸိူဝ်းၸိူဝ်ႉဢၼ်ယႂ်ႇ မီးတီႈ ဢၾ်ႉၾရီးၵႂ်းၶဝ်ၼႆႉ မိး ၼေႃးသွင်ဢၼ်ယဝ်ႉ။ ၼေႃးၸူင်ၶဝ် ဢၼ်ယၢဝ်းဢၼ်ယႂ်ႇဢၼ်မီးတီႈၽၢႆႇၼႃႈၼၼ်ႉ လႆႈၸႂ်ႉ တႃႇၶုတ်ႉၸူး ပႃႇယုမ်းၶဝ်လႂ်၊ တူၼ်ႈမႆႉဢွၼ်ႇၶဝ်လႂ် ဢမ်ႇၼၼ် ၸႂ်ႉၼင်ႇ ပဵၼ်ၶိူၵ်ႈလၢၵ်ႈဢၼ်ၼိူင်ႈယဝ်ႉ။ ၸၢင်ႉၸူင်ၽိူၵ်ႇ ဢၾ်ႉၾရီးၵႂ်း ၶဝ်ၼႆႉ ပၢႆးၼမ်ၸၢင်ႊယၢဝ်းထိုင် 15 ထတ်း (4.6 မီးတႂ်း)သေယဝ်ႉ ၼမ်ႉၼၵ်း ၸၢင်ႊမီး 3.5 တၼ်း (3.2 မႅတ်ႉထရိၵ်ႉတၼ်း) ၵွၼ်ႇယဝ်ႉ။ ၼေႃးယၢဝ်းလူင်ၶဝ်ၵေႃႈ ၸၢင်ႊမီးတေႃႇ ႁႃႈထတ်း (1.5 မီးတႂ်း) ယဝ်ႉ။ ၸိူဝ်းၸိူဝ်ႉတီႈဢေးသီးယၼ်းတႄႉ တူဝ်လဵၵ်ႉသေ ၸိူဝ်းဢၼ်တီႈ ဢၾ်ႉၾရီးၵႅၼ်း ၼၼ်ႉသေယဝ်ႉ တႃႇသွင်မဵဝ်းသမ်ႉ ၵွၺ်းမီးၼေႃးၸူင်ၶဝ် ဢၼ်လဵဝ်ၵူၺ်းယဝ်ႉ။

ၸူင်လူင် လႄႈ ၸူၼ်ဢွၼ်ႇ

• ၸူင် တူဝ်ဢၼ်ဢွၵ်ႇၸႂ်လမ်ဝႆႉၼၼ်ႉ ၸၢင်ႊတိုဝ်တေႃးသႂ်ႇ တင်းႁႅင်းယႂ်ႇလူင်ၶၼ်ဝႆးယဝ်ႉ။ သမ်ႉၸၢင်ႊပဵၼ်ၽေးလူင်တေႉတေႉယဝ်ႉ။ ၸူင်ၶဝ်ၼႆႉ လႆႈၶၢမ်ႇတၢင်းယိုဝ်းတၢႆပႅတ်ႈ တင်းၼမ်လၢႆ ယွၼ်ႉတႃႇၼေႃးၶဝ်ၼၼ်ႉယဝ်ႉ။ ယၢမ်းလဵဝ် လႆႈဢဝ် ပိူင်မီႈသေ ႁႄႉၵင်ႈဝႆႉပၼ်ၵွၼ်ႇယဝ်ႉ။

• ၸူင်ၶဝ်ၼႆႉ ပဵၼ်ငိူၼ်ႈပီႈၶိူဝ်းၼွင်ႉၵၼ် တင်း မႃႉၶဝ်ယဝ်ႉ။ ၸူင်ၶဝ် မီးၸႂ်ႊႁၼ်လႅတ်းတေႃႇ ဢၢႆႊသႅဝ် တင်းသဵင်ၶဝ်ယဝ်ႉ။ ၵူၺ်းၵႃႊ ၾၢႆႇႁႅင်းတႃႇတႄႉ ဢေႇဝႃႈဢေႇယဝ်ႉ။

←  ၸၢင်ႉ  ●  သိူဝ် →