တူဝ်သွမ်ၼူမ်း/လိင်း
လိင်းၶဝ် ပဵၼ် တူဝ်သွမ်ၼူမ်း ဢၼ်ပႃးၼႂ်း ၸုမ်းတူဝ်သတ်း ၸၼ်ႉထၢၼ်ႈသုင်ၼၼ်ႉ ၸုမ်းၼိူင်ႈဢိူဝ်ႈ။ မီၵူၼ်း၊ တင်းၵူၼ်းၼႆႉၵေႃႈ ပဵၼ်ၼႂ်းတူဝ်သတ်းၸၼ်ႉထၢၼ်ႈသုင် ၼၼ်ႉ သွင်ၸိူဝ်ႉယဝ်ႉ။ လိင်းၶဝ် မီးၸုမ်းပိူင်လူင် သွင်ၸုမ်းယဝ်ႉ။ ၸုမ်းလူၵ်ႈမိူင်းၵဝ်ႇ လႄႈ လူၵ်ႈမိူင်းမႂ်ႇယဝ်ႉ။ လိင်းလူၵ်ႈမိူင်းၵဝ်ႇၶဝ်ၼႆႉ ယူႇတီႈ ဢေးသီးယႂ်း တင်း ဢၾ်ႈၾရီးၵႂ်းယဝ်ႉ။ လိင်းလူၵ်မိူင်းမႂ်ႇၶဝ်သမ်ႉ ယူႇတီႈ မႅၵ်းသီးၵူဝ်း ၽၢႆႇၸၢၼ်း တင်း တီႈ ဢမႄးရီးၵႂ်း တွၼ်ႊၵၢင် လႄႈ ၽၢႆႇၸၢၼ်းၼၼ်ႉယဝ်ႉ။ ၶိူဝ်းလိင်းၶဝ် ၵမ်ႈၼမ်ၼမ်ၼႆႉ ယူႇၼႂ်းထိူၼ်ႇ တီႈၾိင်ႈၾႃႉလႅၼ်ႊမႆႈယဝ်ႉ။ ၶိူဝ်းလိင်းႁမ်ႉ ႂ်ႈတင်းသဵင်ႈၶဝ်ၼႆႉ မီးႁၢင်ယဝ်ႉ၊ ဢၼ်မိူၼ်ၵၼ်တင်း မီၵူၼ်းၶဝ်၊ ၸိူဝ်းၸၢဝ်းၵမ်ႈၼမ်ၶဝ်ၼႆႉ ၸၢင်ႊဝၵ်ႉယိပ်းသေ ၵမ်လႆႈၶူဝ်းဝႆႉလီလီဢိူဝ်ႈ၊ လိင်းၶဝ်ၼႆႉ လၵ်းလႅမ်ဢိူဝ်ႈ၊ ၵူၺ်းၵႃႈ ဢမ်ႇလႅတ်းလႅဝ်ႈတၢၼ်ႇ မီးၵူၼ်းၶဝ်သႄႈ။ ၶဝ်ၼႆႉ တူင်ႉလႆႈၽႂ်ၽၢႆသေ ၸၢင်ႊဢဝ် တိၼ်မိုဝ်းၶဝ် ဝၵ်ႉယိပ်းလႆႈတီႈ ၵိင်ႇၶႃႊလႂ်ဢိူဝ်ႈ။ ၵူၺ်းၵႃႊ ၶဝ်ဢမ်ႇလုၵ်ႉတီႈၵိင်ႇၼိူင်ႈ ဝူၵႂႃႇတၢင်ႇၵိၼ်ႇ ၼင်ႇ မီၵူၼ်းၶဝ် ႁဵတ်းၼၼ်ႉသႄႈ။ လိင်းၵမ်ႈၼမ်ၼမ်ၶဝ်ၼႆႉ ၵိၼ် မၢင်ႇတင်းတူၼ်ႈဢွၼ်ႇၶဝ်ယဝ်ႉ။ မၢင်ႊၸိူဝ်းသမ်ႉ ၵိၼ်ၼိူဝ်ႉ တင်း မႅင်းၶဝ်လႂ်ယဝ်ႉ။
- လႆႈယုမ်ႇယမ်ဝႃႈ လိင်းလူၵ်ႈမိူင်းၵဝ်ႇၶဝ်ၼႆႉ တိူဝ်းမုၼ်းယႂ်ႇသေ တူဝ်လူၵ်ႈမိူင်းမႂ်ႇၶဝ်ယူႇ။ လိင်းလူၵ်ႈမိူင်းၵဝ်ႇၶဝ်ၼႆႉ ၶဝ်မီးဢွၵ်းဢေႃဢၼ်တိူဝ်းယႂ်ႇသေ တိူဝ်းတွင်းလႆႈ ၵူႊလၢႆမဵဝ်းၼၼ်ႉယဝ်ႉ။
- လိင်းၶဝ် ၸႂ်ႉမိုဝ်းၶဝ် တႃႇၵဵပ်းဢဝ်တၢင်းၵိၼ်၊ တႃႇဢဝ်သွမ်သႂ်ႇၶဝ်ႈၼႂ်းသူပ်းလႂ်ယဝ်ႉ။ ဢေလိင်းဢွၼ်ႇၶဝ်ၼႆႉ လႆႈၵိူဝ်းဢိင်တီႈမႄးၶဝ်တေႉတေႉ။ တႃႇတၢင်းၵိၼ်လႂ်၊ လွင်ႈႁေႉၵင်ႈလႂ် ဢိၵ်ႇတႃႇလႆႈတၢင်းဢုၼ်ႇလႂ်ၶဝ်ၵေႃႈ လႆႈပိုင်ႈမႄႈၶဝ်ယဝ်ႉ။