တူဝ်သွမ်ၼူမ်း/သိူဝ်ၸုမ်ႈပၢင်ႇ

သိူဝ်ၸုမ်ႈ(ပၢင်ႇ)ၼႆႉ ပဵၼ်ၶိူဝ်းၼႂ်းမုၵ်ႉႁူမ်ႈႁိူၼ်းမႅဝ်းၼၼ်ႉၸိူဝ်ႉၼိူင်ႈယဝ်ႉ။ ၶဝ်ၼႆႉ ၸၢင်ႊသုင်တေႃႇ မွၵ်ႈ 39 ပႅၵ်ႉ (99 သႅၼ်းတီးမီးတႂ်း) ထိုင်တီႈႁူဝ်မႃႇၶဝ်ၼၼ်ႉသေ၊ ၸၢင်ႊယၢဝ်းမွၵ်ႈ 71/4ထတ်း (2.2 မီးတႂ်း) ႁူမ်ႈပႃးတင်းႁၢၼ်ၶဝ်ယဝ်ႉ။ ၶဝ်မီးၶူၼ်ၼင်သီလိူင် ပႃးႁွႆႈၸုမ်ႈလမ်ၶဝ်သေယဝ်ႉ။

သိူဝ်ၸုမ်ႈပၢင်ႇ ပႆတၢင်းယူႇ တီႈၼႂ်းပႃႇယိူဝ်ႈ။

သိူဝ်ၸုမ်ႈၼႆႉ ၸိုဝ်ႈလုဝ်းၵွပ်ႈတၢင်းဝႆၶဝ်ၼၼ်ႉယဝ်ႉ။ ၶဝ်ၸၢင်ႊလႅၼ်လႆႈၶၢဝ်းတၢင်းဝႆႉ ယေႈၸူဝ်ႈမူင်း - 40 လၵ်း (64-ၵီးလူဝ်းမီးတႂ်း)လႂ်ယဝ်ႉ။ သိူဝ်ၸုမ်ႈၸႂ်ႉတိုဝ်းတၢင်းဝႆးၶဝ် တႃႇပုင်ႈသႂ်ႇ တူဝ်သတ်ႈတၢင်ႇၸိူဝ်းၶဝ် ႁႂ်ႈလူမ်ႉၼၼ်ႉယဝ်ႉ။ သိူဝ်ႈၸုမ်ႈၼိူင်ႈတူဝ်ၼႆႉ တင်းငၢႆႈငၢႆႈဢွၼ်ႇသေ ၸၢင်ႈၺွပ်းလႆႈ ၵႂၢင်ၸႆးဢၼ်မီးၼမ်ႉၼၵ်း 40-ပွင်ႇ (18-ၵီးလူဝ်း)ၼၼ်ႉၵွၼ်ႇယဝ်ႉ။

သိူဝ်ၸုမ်ႈ(ပၢင်ႇ) ၶဝ်ၼႆႉ ၵမ်ႈၼမ်ၼမ် ၵႆႉယူႇတီႈ လႅၼ်ႊပၢင်ႇပႃႇယိူဝ်ႈ ဢၾ်ႉၾရီးၵႂ်းယဝ်ႉ။ မိူဝ်ႈၵွၼ်ႇဢွၼ်ႇၼႆႉ တီႈမိူင်း ဢိၼ်းတီးယႂ်းၵေႃႈ မီးသိူဝ်ၸုမ်ႈယူႇ။ ၵူၺ်းၵႃႊ ယၢမ်းလဵဝ်တႄႉ ၶဝ်ဢဝ်မူၺ်ႉႁၢႆႉၵႂႃႇပႅတ်ႈယဝ်ႉ။ ၵမ်ႈၼမ်ၼႆႉ ပိူင်လူင်မၼ်း ၵွပ်ႈလႃႊထိူၼ်ႇၶဝ် ၸွမ်းယိုဝ်းၽဵဝ်ႈလႄႈယဝ်ႉ။ ၸဝ်ႈပၢႆးသၢႆႊၶဝ်တႄႉ မုင်ႈမွင်းဝႆႉ တႃႇႁေႉတပ်ႉလႆႈ လွင်ႈပိူင်ပဵၼ်ၼင်ႇၼႆၶဝ် ယႃႇႁႂ်ႈလႆႈမႃးၺႃး တီႈသိူဝ်ၸုမ်ႈ ဢၾ်ႉၾရီးၵႂ်းၼႆယဝ်ႉ။

• သိူဝ်ၸုမ်ႈပၢင်ႇၼႆႉ ၸၢင်ႊမီးၼမ်ႉၼၵ်းၼေႃႇ 150-ပွင်ႇ (68-ၵီးလူဝ်းၵရႅမ်ႇ)ၵွၼ်ႇယဝ်ႉ။

• သိူဝ်ၸုမ်ႈပၢင်ႇၶဝ်ၼႆႉ ၸၢင်ႊလႅၼ်ႈလႆႈဝႆး တေႃႇယေႈမူင်း 70-လၵ်း (133-ၵီးလူဝ်းမီးတႂ်း)လႂ်ယဝ်ႉ။ ၼႂ်းတူဝ်သီႇတိၼ်ၶဝ်ၼႆႉ သိူဝ်ႈၸုမ်ႈပဵၼ် တူဝ်ဢၼ်ဝႆးသေပိူၼ်ႈထီႈသုတ်းယဝ်ႉ။

←  သိူဝ်ၶူး  ●  သိူဝ်ၸုမ်ႈလူင် →