တူဝ်သွမ်ၼူမ်း/တူဝ်ႊထူင်

တူဝ်ႊထူင် ပဵၼ် ၶိူဝ်းသွမ်ၼူမ်း ဢၼ်ႁွင်ႉဝႃႈ မႃးသုပ်းပီလ်းသ် ဢၼ်ၸၢင်ႊႁၼ်လႆႈတီႈ ဢွသ်ႉထရေးလီးယႂ်းတင်း ၵုၼ်ၼမ်ႉၸိူဝ်းႁိမ်းႁွမ်းမၼ်း၊ တင်း တီႈ ဢမႄးရီးၵႂ်းႁွင်ႇ၊ ၵၢင် လႄႈ ၸၢၼ်း ၸိူဝ်းၼႆႉယဝ်ႉ။ ၸိူဝ်ႉၸၢဝ်းၶဝ် မီးမဵဝ်းမၼ်း 250-လိူဝ်သေ ၼႂ်းၼၼ်ႉ ၶဝ်ႈပႃး ပုမ်ထွင်းၵႅင်းၵရူးၶဝ်၊ ၵူဝ်ႇဢႃးလႃးၶဝ်၊ မႃလႆးတသ်ႉမဵၼ်းၼီးယၼ်းၶဝ် လႄႈ ဢွပ်ႈပွသ်ႈသမ်ႇၶဝ် ၸိူဝ်းၼႆႉလႂ်ယူႇယဝ်ႉ။

တူဝ်ႊထူင် ၵမ်ႈၽွင်ႈ။

တူဝ်ႊထူင် ဢၼ်မႄႈၶဝ် ၵမ်ႈၼမ်ၼမ်ၼႆႉ လဵင်ႉလူပၼ်ဢေဢွၼ်ႇၶဝ် တီႈၼႂ်းထူင်ထွင်း ဢၼ်မီး တွၼ်ႊၽၢႆႇတႂ်ႈ တူဝ်ၶိင်းၶဝ်ၼၼ်ႉသေ ႁႂ်ႈယႂ်ႇမႃႈယဝ်ႉ။ ဢေဢွၼ်ႇၶဝ်ၼႆႉ ပေႃးႁူႉဝႃႈၵိူတ်ႇမႃးယဝ်ႉၼႆၵေႃႈ ၶဝ်ၶၢႆႉၶဝ်ႈၵႂႃႇယူႇတီႈၼႂ်း ထူင်ထွင်းၼႆႉယဝ်ႉ။ ၼႂ်းထူင်ထွင်းၼႆႉ ၶဝ်လႆႈၵိၼ်ၼူမ်းတီႈမႄႈၶဝ်ယဝ်ႉ။ ၶဝ်တေယူႇဝႆႉတီႈၼႂ်းၼႆႉ တေႃႇၶဝ်ပေႃး ၸၢင်ႊပေႉတူဝ် လဵင်ႉလူတူၺ်းထိုင်တူဝ်ၵဝ်ႇၶဝ်လႆႈၶိုၼ်းၼၼ်ႉယူႇယဝ်ႉ။ မိူၼ်လၢႆးၼႆႉၼင်ႇၵဝ်ႇယဝ်ႉ တူဝ်ႊထူင်ဢွၼ်ႇ (မႃးသုပ်းပီလ်း)ၶဝ် ဢၼ်ဢမ်ႇမီး ထူင်ထွင်းၼၼ်ႉ ဢဝ်တူဝ်ၶဝ် ၸပ်းသႂ်ႇ တီႈၼမ်ႉၼူမ်းမႄႈၶဝ် တေပၼ်ၼၼ်ႉသေယဝ်ႉ လႆႈၶၢမ်ႇလဵင်ႉယႂ်ႇမႃး တႃႇလၢႆလၢႆဝူင်ႈတေႉၼင်ႇၼႆယဝ်ႉ။ ဢေဢွၼ်ႇတူဝ်သွမ်ၼူမ်းတၢင်ႇၸိူဝ်းၶဝ် ၵမ်ႈၼမ်ၼမ်ၼႆႉ လႆႈမူႈယႂ်ႇမႃးၼႂ်း တူဝ်ၶိင်းမႄႈၶဝ်သေ ပေႃးဝႃႈ ၵိူတ်ႇယဝ်ႉၼႆၵေႃႈ ၶဝ်ပေႃးမုၼ်းယႂ်ႇတဵမ်လီဝႆႉယဝ်ႉ။ တူဝ်ႊထူင် (မႃးသုပ်းပီလ်) ဢၼ်ၸင်ႇၵိူတ်ႇမႂ်ႇမႃးၶဝ်ၼႆႉ ဢမ်ႇမီးတၢင်းမုၼ်းယႂ်ႇလီဢီႈသင်သေ သမ်ႉလဵၵ်ႉယဝ်ႉ။

• ဢေလႅင်တူဝ်ႊထူင်မႃးသုပ်းပီလ်းၶဝ်ၼႆႉ မၢင်ႊပွၵ်ႈၵွၺ်းမီးမွၵ်ႈ သီႇပုၼ်ႈၼိူင်ႈပုၼ်ႈ ပႅၵ်ႉမိုဝ်း (0.6 သႅၼ်းတီးမီးတႂ်း) ၵွၺ်းယဝ်ႉ။ တေႃႇၶဝ်ပေႃးပေႉတူဝ်ၶဝ်လႆႈယူႇယဝ်ႉၵေႃႈ ဢေပုမ်ထွင်းဢွၼ်ႇၶဝ်လႄႈ ၶိူ်ဝးမႃသုပ်းပီလ်း (တူဝ်ႊထူင်)ၶဝ်ၼႆႉ ၶဝ်တေၵႆႉမႃးၸူးၶိုၼ်း ထူင်ထွင်းမႄႈၶဝ်ယူႇတိၵ်းတိၵ်းယဝ်ႉ။

←  တူဝ်သွမ်ၼူမ်း  ●  တူဝ်ႊသူပ်းပဵတ်း →