တူဝ်သွမ်ၼူမ်း/မႃပၢင်ႇ

မႃပၢင်ႇၼႆႉ ပဵၼ်တူဝ်သွမ်ၼူမ်း ဢၼ်ၵိၼ်ၼိူဝ်ႉၸိူဝ်ႉၼိူင်ႈ၊ ၶဝ်ယူႇတီႈ ဢၾ်ႉၾရီးၵႂ်း တင်း ဢေးသီးယႂ်းၼၼ်ႉယဝ်ႉ။ မႃပၢင်ႇ ဢၼ်တူဝ်ယႂ်ႇသေပိူၼ်ႈသုတ်းသေ ႁူႉၸၵ်းဝႆႉၵမ်ႈၼမ်တႄႉ ပဵၼ်မႃပၢင်ႇလၢႆးၸုမ်ႈ ႁႆးယီးၼႃးၼၼ်ႉၵွၺ်းယဝ်ႉ။ ၶဝ်ၼႆႉ မႃႁူၼ်ႉၶူဝ် ၼႆၵေႃႈ ႁွင်ႉယဝ်ႉ၊ ၵွပ်ႈဝႃႈ သဵင်ႁွၼ်ၶဝ်ၼႆႉ မိူၼ်ၼင်ႇသဵင်ၶူဝ်ဝႆႉလႄႈယဝ်ႉ။ မႃပၢင်ႇၸုမ်ႈၶဝ်ယူႇတီႈ ဢၾ်ႈၾရီးၵ်ႂ်း ၽၢႆႇၸၢၼ်း ပႃႇႁၢတ်ႇသၢႆးလူင် သႁႃးရႃးၼၼ်ႉယဝ်ႉ။ ၼမ်ႉၼၵ်းၶဝ် တေၸၢင်ႊမီးၽႅဝ် 75-ပွင်ႇ (79 ၵီးလူဝ်းၵရႅမ်း)ယူႇယဝ်ႉ။ ၵူၼ်းၵမ်ႈၼမ်တႄႉ ထၢင်ႇဝႃႈ မႃပၢင်ႇၸုမ်ႈၼႆႉ ပဵၼ်တူဝ်ၽဵဝ်ႈၵိၼ် တူဝ်တၢႆ ဢၼ်ၵွၺ်းၵိၼ်ၼိူဝ် တူဝ်သတ်းတၢႆယဝ်ႉၶဝ်ၼၼ်ႉၼႆယူႇ။ ၼႆႉ တိုၼ်းဢမ်ႇမႅၼ်ႈသႄႈ။ ၶဝ်ၼႆႉ ပဵၼ်တူဝ်ႁတ်းႁၢၼ်လူင် မေႃလမ်းယိူဝ်ႇၼၼ်ႉဢိူဝ်ႈ။ ပေႃးဝႃႈ မႃပၢင်ႇၸုမ်ႈၶဝ် ပဵၼ်ၸုမ်းသေလမ်းယိူဝ်ႇၼႆ ၶဝ်ၸၢင်ႊလူၺ်းဢဝ် မႃႉလၢႆးလႂ်၊ ၵႂၢင်ၸႆးလႂ် လူမ်ႉလႆႈလူးၵွၼ်ႇယဝ်ႉ။ ထႅင်ႈ မႃပၢင်ႇၸိူဝ်ႉၼိူင်ႈ ဢၼ်ပဵၼ် မႃပၢင်ႇလၢႆးႁူတ်ႈၼၼ်ႉသမ်ႉ ယူႇၽၢႆႇႁွင်ႇ သႁႃးရႃး တီႈဢၾ်ႈၾရီးၵႂ်းလႂ်၊ တီႈဢိၼ်းတီးယႂ်းလႂ် ဢိၵ်ႇတင်း တီႈ ၽၢႆႇၸၢၼ်း ဢေးသီးယႂ်းလႂ်ယဝ်ႉ။ ၸိူဝ်းၶဝ်ၼႆႉတႄႉ ၵမ်ႈၼမ် ၵိၼ်တူဝ်သတ်းတၢႆယဝ်ႉၼၼ်ႉၵွၺ်းယဝ်ႉ။

မႃပၢင်ႇ ပႆတၢင်းယူႇတီႈပႃႇႁၢတ်ႇသၢႆး။

• မႃပၢင်ႇၸုမ်ႈၼႆႉ ပေႃးဝႃႈႁႃၼိူဝ်ႉတူဝ်သတ်းသင်ၵေႃႈ ဢမ်ႇလႆႈလႃးလႃးယဝ်ႉၼႆတႄႉ ယုပ်းယၢပ်ႈပႅတ်ႈဝႆႉၼၼ်ႉၵေႃႈၵိၼ်ယဝ်ႉ။

• မႃပၢင်ႇၶဝ်ၼႆႉ မီးၵၢင်း လႄႈ ၶဵဝ် ဢၼ်တၢင်ႉႁႅင်းယႂ်ႇလူင်လၢင်၊ ဢၼ်ၸၢင်ႊၸႂ်ႉတႃႇ ၶူပ်းလႆႈလုပ်ႇတူဝ်သတ်းၶဝ်ၼၼ်ႉယဝ်ႉ။

←  မႃၼၼ်း  ●  မႃလိၼ် →