တူဝ်သွမ်ၼူမ်း/မႃႉ
မႃႉၼႆႉ ပဵၼ်တူဝ်သွမ်ၼူမ်း ဢၼ်မီးႁႅင်းၸိူဝ်ႉၼိူင်ႈ သမ်ႉတူဝ်ယႂ်ႇ၊ တင်းတိၼ်သီႇၶွၼ်၊ မီးယႅဝ်လင်ၶေႃး တင်း ႁၢင်ပုၵ်ႉ တီႈတိၼ်သမ်ႉမီး ၼိဝ်ႉတိၼ်လဵဝ် တင်း ၵိပ်ႇသေႁူမ်ႇဝႆႉၼၼ်ႉယဝ်ႉ။ ၶဝ်လႅၼ်ႈလႆႈၽႂ်းၽၢႆ ဢမ်ႇၼၼ် လၢၵ်ႈၸၼ်လႆႈ ၶူဝ်းၶွင်ၼၵ်း။ ၸူဝ်ႊသၢၵ်ႈၽတ်ႉၽဵင်ႇ တႃႇမႃႉၼိူင်ႈတူဝ်ၼႆႉ ပဵၼ် 18 ပီႊယဝ်ႉ။
မႃႉၶဝ်ၼႆႉ ပေႃးမီးယူႇတီႈ ဢမႄးရီးၵႂ်းႁွင်ႇၼႆႉ ၸဵမ်မိူဝ်ႈ သၢမ်လၢၼ်ႉပီႊပူၼ်ႉၼၼ်ႉယဝ်ႉ။ ၶဝ်ဢဝ်ႁၢႆၵႂႃႇတီႈလူၵ်ႈမိူင်းမႂ်ႇၼႆႉ ၸဵမ်မိူဝ်ႈမွၵ်ႈ 10,000 ပီႊပုၼ်ႉယဝ်ႉ။ ယွၼ်ႉသင်ၼႆတႄႉ ၽႂ်ၵေႃႈဢမ်ႇႁူႉလႆႈတႅၼ်ႈၼႅတ်ႈ။ မိူဝ်ႈပီႊ 1500 ၸိူဝ်းၼၼ်ႉမႃးၸင်ႇ ယေႃးရွပ်ႉပီးယၢၼ်းၶဝ် ၶိုၼ်းဢဝ်မႃႉမႃးထိုင် လိုမ်ဢမႄႇရီႇၵႅၼ်ႇႁွင်ႇယဝ်ႉ။
ၵူၼ်းႁဝ်းၼႆႉ ၶီႇၼိူဝ်လင်မႃႉသေ ဢွၵ်ႇၶၢဝ်းတၢင်းလႂ်၊ ၸႂ်ႉတိုဝ်းမႃႉ တႃႇလၢၵ်ႈၸၼ် ၵူႊလွင်ႈ တႄႇဢဝ် လေႃႉမႃႉမုင်း တေႃႇထိုင် ထိူၼ်ႇထႆႇသမ်ႉတေႃႇႁူဝ်ၸၢၵ်ႈၶႄၾႆးၶဝ်လႂ်ယဝ်ႉ။ ဝၼ်းမိူဝ်ႈၼႆႉတႄႉ မႃႉၶဝ်ၼႆႉ လႆႈၸႂ်ႉတႃႇပဵၼ်မႃႉလႅၼ်ႈၶႄႉသဵင်ႇလႂ်၊ တႃႇႁဵတ်းၼေတီႈပၢင်ပွႆး သႂ်းၵသ်ႉ (ၾၢႆႇၼႄလႅၼ်ႇၵႅပ်ႉၵူႊပၢႆး)ၶဝ်လႂ်၊ ပၢင်ပွႆး ရူဝ်းတီးယူဝ်း (ၾၢႆႇၼႄၵႅပ်ႉမႃႉ လႄႈ ပိုၵ်ႉဝူဝ်း) ၶဝ်လႂ်ၼၼ်ႉယဝ်ႉ။ ၵူၼ်းႁဝ်း ၵမ်ႈၼမ် ၶီႇၶဝ် တႃႇလႆႈမူၼ်ႊသိူဝ်းၼၼ်ႉလႂ်ယဝ်ႉ။
- ၸိူဝ်ႉၶိူဝ်းၵဝ်ႇ မႃႉၶဝ်ၸမ်း၊ ပဵၼ် ဢိဝ်းဢူဝ်းႁိပ်ႉပသ်ႉယဝ်ႉ၊ ၶဝ်ၵွၺ်း တေႃႉတႄႉယႂ်ႇသေ မႅဝ်းတူဝ်ၼိူင်ႈဢိတ်းဢီႈၼၼ်ႉၵွၺ်းယဝ်ႉ။ ၸိူဝ်းဢိဝ်းဢူဝ်းႁိပ်ႉပသ်ႉၶဝ်ၼႆႉ ယူႇၵႂႃႇ မိူဝ်ႈမွၵ်ႈပီႊ 60 လၢၼ်ႉပုၼ်ႉယဝ်ႉ။
- မႃႉၶဝ်ၸမ်း ပဵၼ်တူဝ်သတ်း ဢၼ်လႄႇသႆႉယိူဝ်ႈၼၼ်ႉယဝ်ႉ။ ၶဝ်ၵိၼ်ၽိူင်းလႂ် ဢိၵ်ႇယိူဝ်ႈယႃႈ တၢင်ႇၸိူဝ်းလႂ်ၶဝ်ယဝ်ႉ။