တူဝ်သွမ်ၼူမ်း/မဵၼ်ႈ
မဵၼ်ႈ ပဵၼ်တူဝ် မီးၶဵဝ်ႈၵတ်းၶူပ်းၽၢႆ သႅၼ်းတူဝ်ယႂ်ႇ ဢၼ်မီးၶူၼ် တင်း လႅမ်ႈၵႅၼ်ၸႂ်ႊၵူင်ၶဝ် ႁူမ်ႇဝႆႉတီႈ ပွတ်းတွၼ်ႊတူဝ်ၶဝ်ၼၼ်ႉယဝ်ႉ။ မဵၼ်ႈၶဝ် မီးၸုမ်းမုင်ႉႁိူၼ်း သွင်သၢႆယဝ်ႉ။ မဵၼ်ႈ မိူင်းမႂ်ႇၶဝ် ယူႇတီႈၼႂ်းပႃႇထိူၼ်ႇ ဢမႄးရီးၵႂ်းႁွင်ႇ တင်း ၸၢၼ်းယဝ်ႉ။ မဵၼ်ႈမိူင်းၵဝ်ႇၶဝ်သမ်ႉ ယူႇတီႈ ပွတ်းတွၼ်ႊ ဢၾ်ႈၾရီးၵႂ်း၊ ဢေးသီးယႂ်း တင်း ယေႃးရွပ်ႉၸိူဝ်းၼႆႉယဝ်ႉ။ မဵၼ်ႈမိူင်းၵဝ်ႇၶဝ်ၼႆႉ ယူႇၼိူဝ်လိၼ်ဢိူဝ်ႈ။ ၵူၺ်းၵႃႊ မဵၼ်ႈမိူင်းမႂ်ႇၶဝ်သမ်ႉ ၸၢႆႇယၢမ်းၶဝ် ၵမ်ႈၼမ်ၼမ် တီႈၼိူဝ် တူၼ်ႈမႆႉၵွၺ်းယဝ်ႉ။ မဵၼ်ၶဝ် ဢမ်ႇၸၢင်ႊပိုတ်းယိုဝ်းၶူၼ်ၶႅင်ၶဝ်လႆႈ။ မိူဝ်ႈဢၼ်တူဝ်ၶဵၼ် သေဢၼ် ၽုတ်းမႃးတေႃႇမၼ်းယဝ်ႉၼႆ မၼ်းတေယုၵ်ႉပိုဝ်းၶူၼ်ၶႅင် မၼ်းဝႆႉဢိူဝ်ႈ ၼႆႉ မၼ်းႁဵတ်းႁႂ်ႈ ၼင်ႇသၢင်ႇႁၢင်ႈ တူဝ်မဵၼ်ႈၼႆႉ လႆႈတူၺ်း လႅပ်ႈယႂ်ႇလိူဝ်သေ ဢၼ်တေႉၼၼ်ႉဝႆႉယဝ်ႉ။ သင်ၶဝ်သမ်ႉ တေတိုဝ်သႂ်ႇတေႃႇ တူဝ်ၶဵၼ်ၼၼ်ႉၼႆ ၶူၼ်လႅမ်ၶဝ်တေ ႁၵ်းပုတ်းၵႂႃႇသေ ပၵ်းၸပ်းဝႆႉတီႈၼႂ်းၼိူဝ်ႉ တူဝ်ၶဵၼ်ယူႇယဝ်ႉ။
- မဵၼ်ႈၶဝ်ၼႆႉ ထုၵ်ႇၸႂ်တေႃႇၵိူဝ်ဢိူဝ်ႈ၊ ပေႃးပဵၼ်ဢၼ်မီးသၢႆလႅမ်ႉၸဵမ်းၵိူဝ်ၼႆႉ ၶဝ်ၵိၼ်ႁမ်ႉၶႂ်ႈၵူႊမဵဝ်းလူင်ၵႂႃႇယဝ်ႉ။
- မဵၼ်ႈၶဝ် ဢွၵ်ႇၾၢႆႈ မိူဝ်ႈၵၢင်ၶမ်ႈဢိူဝ်ႈ။ ၶဝ်ၵိၼ်ၵိူပ်ႇမႆႉ ပိူၵ်ႇၼင်မႆႉ ဢိၵ်ႇတင်း ၽၵ်းၶဵဝ် မိူၼ်ၸိူင်ႉၼင်ႇ တုမ်ႇႁီႉၶဝ်လႂ်၊ ႁၢၵ်ႈႁူဝ်ၶဝ်လႂ်၊ ႁူဝ်မီႇၶဝ်ၸိူဝ်းၼႆႉလႂ်ယဝ်ႉ။ ယွၼ်ႉၶဝ် ၵိၼ်ပႅတ်ႈပိူၵ်ႈၼင် ၵၢပ်ႇမႆႉလႄႈ ၶဝ်ႁဵတ်းႁႂ်ႈ တူၼ်ႈမႆႉၶဝ် တိူဝ်ႉၸဵပ်းယူႇယဝ်ႉ။