တူဝ်သွမ်ၼူမ်း/သၢင်ႇသီႈလွႆ

သၢင်ႇသီႈလွႆ ပဵၼ် ငိူၼ်ႈၶိူဝ်းမႅဝ်း တူဝ်ယူႇၼႂ်းထိူၼ်ႇ သႅၼ်းတူဝ်ယႂ်ႇ ၸိူဝ်ႉၼိူင်ႈ ဢၼ်ယူႇတီႈ ၵၢႆလုမ်ႈၾႃႉ ပွတ်းတူၵ်းၼၼ်ႉလဵဝ်လဵဝ်ၵွၺ်းၼၼ်ႉယဝ်ႉ။ ၶိူဝ်းမႅဝ်းလူင် ထႅင်ႈဢၼ်ၼၼိူင်ႈ ဢၼ်တိူဝ်းယႂ်ႇသေၼႆႉ ဢၼ်ယူႇတီႈ ဢမႄးရီးၵႂ်းႁွင်ႇ တင်း ၸၢၼ်း သမ်ႉပဵၼ် ၸႅၵ်ႈၵႂႃး (သိူဝ်ၶူး) ၵွၺ်းယဝ်ႉ သၢင်ႇသီႈလွႆၼႆႉ လႆႈႁၼ်တီႈ ဢမႄးရီးၵႂ်းႁွင်ႇ တင်း တူၵ်း၊ ဢိၵ်ႇလႅၼ်ႊတီႈဢၼ်ၵႆယၢဝ်း တီႈ လႅတ်ႇတိၼ်ႇဢမႄးရီးၵႂ်းလႂ်ယဝ်ႉ။

သၢင်ႇသီႈလွႆ ၸုၵ်းယူႇတီႈၼိူဝ် ၵွင်းမၢၵ်ႇႁိၼ်။

သၢင်ႇသီႈလွႆၶဝ် လႅၼ်ႈလႆႈဝႆးတေႉတေႉ ပေႃးတႃႇၶၢဝ်းတၢင်းၸူဝ်ႊပွတ်း၊ ယဝ်ႉၵေႃႈ ၶဝ်ၼႆႉပဵၼ် တူဝ်ပုင်ႈဝႅၼ် ဢၼ်လၢၵ်ႇလၢႆးသေပိူၼ်ႈၼၼ်ႉယဝ်ႉ။ သၢင်ႇသီႈလွႆဢၼ်ၸုၵ်းဝႆႉယူႇ ၼႆႈ ၸၢင်ႊဝႅၼ်ပုင်ႈ ၵႂႃႇလႆႈ 20-ထတ်း (6.1 မီးတႂ်း)ယဝ်ႉ။ သၢင်ႇသီႈလွႆၼိူင်ႈတူဝ်ၼႆႉ ၸၢင်ႊယႂ်ႇသုင်ထိုင် ၸဵတ်းထတ်း (2.1 မီးတႂ်း) တႄႇဢဝ်တီႈ ႁူဝ်မၼ်း တေႃႇထိုင် ပၢႆႁၢင်သုတ်းမၼ်းၼၼ်ႉယဝ်ႉ။ တူဝ်ပေႃႈ ဢၼ်ယႂ်ႇထူၼ်ႈယဝ်ႉလီ တီႈ ဢမႄးရီးၵႂ်းၵႅၼ်ႇႁွင်ႇၶဝ်ၼႆႉ ၸၢင်ႊမီးလႆႈ တေႃႇ 200-ပွင်ႇ (100 ၵီးလူဝ်းၵရႅမ်း) ယဝ်ႉ။ ၶူၼ်ၼင်သၢင်ႇသီႈလွႆၶဝ်ၼႆႉ ၸၢင်ႊပဵၼ် သီၶွၼ်ႇလႅၼ်လႅၼ်၊ သီၶွၼ်ႇလိူင်၊ ဢမ်ႇၼၼ် မူၼ်ႇလႂ်ယဝ်ႉ။ သၢင်ႇသီႈလွႆၶဝ်ၼႆႉ ၶဝ်ၸၢင်ႊႁပ်ႉမိုတ်ႈတေႃႇ ၾိင်ႈၾႃႉ ၵူႊလၢႆလၢႆမဵဝ်းၵႂႃႇလႆႈယဝ်ႉ။ ၸင်ႇလႆႈႁၼ် ယူႇလႆႈတီႈ လႅၼ်ႊတီႈပႃႇမူၺ်ႁႃလႂ်၊ ပႃႇထိူၼ်ႇမႆႉလႂ်၊ ပၢင်ႇပႃႇႁၢတ်ႇသၢႆးလႂ်၊ လႅၼ်ႊလွႆယႂ်ႇသုင်လႂ်၊ ဢိၵ်ႇတင်း ပၢင်ႇပႃႇပဵင်းလႂ်ၶဝ်ဝႆႉယူႇယဝ်ႉ။ ၶဝ်ပဵၼ် တူဝ်ၵိၼ်ၼိူဝ်ႉယဝ်ႉ။ ၶဝ်ႁႃၵိၼ် တူဝ်သတ်း ဢၼ်မိူၼ်ၸိူဝ်ႉၼင်ႇ ၵႂၢင်ၶဝ်၊ ၵႂၢင်ၵူင်းလူင်ၶဝ်လႂ်ယဝ်ႉ။ ၵမ်ႈၼမ် ၶဝ်ဢွၵ်ႇႁႃၵိၼ်တူဝ်လဵဝ်ၵွၺ်းယဝ်ႉ။ ၵူၺ်းၵႃႊ မိူဝ်ႈၼႂ်းၶၢဝ်းလဵင်ႉလုၵ်ႈၼၼ်ႉတႄႉ ၶဝ်ႁႃၵိၼ် တင်းၵေႃႉၶဝ်ယဝ်ႉ။

• သၢင်ႇသီႈလွႆၶဝ် ပဵၼ်တူဝ်သတ်း မေႃဢၢႆၼႃႇၼႃႇ၊ ၶဝ်ဝႄႈပၢႆႊတီႈၵူၼ်း ၵႆၵႆယဝ်ႉ။ သၢင်ႇသီႈလွႆၶဝ်ၼႆႉ မီးၸိုဝ်ႈထႅင်ႈ လၢႆမဵဝ်းတေႉတေႉယူႇ၊ ႁူမ်ႈပႃးတင်း ၵွၵ်းၵႃးဝႃႈ၊ ပူးမႃး လႂ်ဝႃႈ။