တူဝ်သွမ်ၼူမ်း/ၶၢၼ်ႉဢိူင်

ၶၢၼ်ႉဢိူင် (သလွတ်ႉ) ပဵၼ်တူဝ်သွမ်ၼူမ်း ဢၼ်ယူႇၼိူဝ်တူၼ်ႈမႆႉ တီႈပႃႇထိူၼ်ႇ ဢမႄႇရီႇၵႅၼ်ႇၸၢၼ်း လႄႈ ပွတ်းၵၢင် ၼၼ်ႉယဝ်ႉ။ ၶၢၼ်ႉဢိူင်ပဵၼ်တူဝ်တူင်ႉၵႂႃႇလႆႈ ထိူင်းဝႃႈထိူင်းၼၼ်ႉယဝ်ႉ။ တိၼ်ၶဝ်ၶွၼ်ၼႃႈၼႆႉ ယၢဝ်းလိူဝ်သေ တိၼ်တၢင်းလင်ယဝ်ႉ။ ၶဝ်ၸႂ်ႉၸၢႆႇၶၢဝ်းယၢမ်းၶဝ်ၵၢင်ၶမ်ႈ ၵမ်ႈၼမ်ၼမ် တီႈၼိူဝ် တူၼ်ႈမႆႉသေယဝ်ႉ မေႃယူႇပၵ်းၶိတ်းဢူင်ႇဢူၺ်ႈဝႆႉယဝ်ႉ။ ၶဝ်ၼွၼ်း၊ ၵဵဝ်ၵိၼ် မႂ်ႊမႆႉလွႆးလွႆး၊ ၸွမ်းၽွၵ်ႇသေ၊ တေႃႈလဵင်ႉလုၵ်ႈၵေႃႈ ယူႇပၵ်းၶိတ်းဢူင်ႇဢူၺ်ႈသေ လဵင်ႉၵိူတ်ႇဢဝ်ယဝ်ႉ။

ၶၢၼ်ႉဢိူင်ၶဝ်မႄႈလုၵ်ႈ တိုၵ်ႉၶၢမ်ႈတၢင်း

ၶိူဝ်းၶၢၼ်ႉဢိူင် မီးသွင်ၸိူဝ်ႉယဝ်ႉ။ ၸိူဝ်းမီးၼိဝ်ႉတိၼ်သွင်ၼိဝ်ႉ တင်း ဢၼ်မီး ၼိဝ်ႉတိၼ်သၢမ်ၼိဝ်ႉၼၼ်ႉယဝ်ႉ။ ၶၢၼ်ႉဢိူင်တိၼ်သွင်ၼိဝ်ႉၶဝ်ၼႆႉ ႁမ်ႉတိူဝ်းလႅတ်းလိူဝ်ဢိတ်းၼိူင်ႈယဝ်ႉ။ ၶဝ်ၵိၼ်မၢၵ်ႇဝၢၵ်ႈ၊ ၶူဝ်ႈၶႅမ်း၊ တင်း မႂ်ႊမႆႉလႂ်ယဝ်ႉ။ ၶၢၼ်ႉဢိူင်တူဝ်တိၼ်သၢမ်ၼိဝ်ႉၶဝ်ၼႆႉ တိၼ်ၶဝ် ဢမ်ႇပေႉပုၼ်ႈ တူဝ်ၵဝ်ႇၶဝ်လႆႈ ပေႃးမိူဝ်ႈၶဝ်မီးတီႈၼိူဝ်လိၼ်။ ၶဝ်လႆႈဢဝ်ၵူင်ႈဢူၼ်ႈၶဝ် ဝၵ်ႉဢဝ်ၶူဝ်းသေဢၼ်ဢၼ်သေယဝ်ႉ ၼွင်ႇၸၼ်ႁႂ်ႈတူဝ်ၶဝ် သုတ်ႉၵႂႃႇၽၢႆႇၼႃႈဢဝ်ယဝ်ႉ။

• တူၼ်ႈသီၶဵဝ်ဢွၼ်ႇဢွၼ်ႇ ဢၼ်ႁွင်ႉဝႃႈ ၸၢမ်းၼၼ်ႉ ဢွၵ်ႇတီႈၶူၼ်ၼင် တူဝ်ၶၢၼ်ႉဢိူင် ၶဝ်ဢိူဝ်ႈ။ ၸၢမ်းၸိူဝ်းၼႆႉ ႁဵတ်းႁႂ်ႈၶၢၼ်ႉဢိူင်ၶဝ် လႆႈမိူၼ်ၸၢဝ်းသီၶဵဝ်ၵႂႃႇလႄႈ ပေႃးဝႃႈ ၼႂ်းၵႄႈၾိူဝ်မႆႉၶဝ်ၼႆ ႁဵတ်းႁႂ်ႈႁၼ်ၶဝ်လႆႈယၢပ်ႇဝႆႉၼၼ်ႉယဝ်ႉ။

• ၶၢၼ်ႉဢိူင်ယေႈတူဝ်ၼႆႉ ၶၢႆႉတူင်ႉလႆႈ ထိူင်းဝႃႈထိူင်းယဝ်ႉ။

←  ၶျိမ်းပႅၼ်းသီး  ●  ၶူၼ်ၼင် →