တူဝ်သွမ်ၼူမ်း/မီၵူၼ်း
မီးၵူၼ်း ပဵၼ်တူဝ်သတ်း သႅၼ်းယႂ်ႇ ဢၼ်လႆႈတူၺ်းမိူၼ်ၼင်ႇ လိင်းယႂ်ႇလူင်ၼၼ်ႉယဝ်ႉ။ ၶဝ်ဢမ်ႇမီးႁၢင်။ ၶဝ်ၸၢင်ႊလုၵ်ႉၸုၵ်းသေ ပႆၵႂႃႇလႆႈၼိူဝ်တိၼ်သွင်ၶွၼ်ၶဝ်ယူႇယဝ်ႉ။ မီၵူၼ်း မီးသီႇၸိူဝ်ႉယဝ်ႉ။ ၶျိမ်းပႅၼ်းသီးသ်၊ ၵူဝ်းရိလ်းလသ်ႉ၊ ဢူဝ်ႇရၢင်းၵူးတၼ်းသ်၊ ၵိပ်ႉပုၼ်းသ် ၶဝ်ၸိူဝ်းၼႆႉယဝ်ႉ။
ၶျိမ်းပႅၼ်းသီးသ်ႉ ၶဝ်ၼႆႉ ပဵၼ် မီၵူၼ်း ဢၼ်ၵတ်ႉလႅၼ်ႇသေပိူၼ်ႈသုတ်းၼၼ်ႉယဝ်ႉ။ ၶဝ်ၸႂ်ႉၶွၼ်ႉယၢဝ်းသေ မေႃဢဝ်ၼမ်ႉၽိုင်ႈလႂ်၊ မူတ်ႉလႂ်၊ ပူၵ်ႇလႂ် တီႈႁူင်ႈ ႁင်းၶဝ်ယဝ်ႉ။ ၶဝ်မေႃ ဢဝ်မၢၵ်ႇႁိၼ်သေ တဵင်ႉတွႆႇမၢၵ်ႇပိူၵ်ႇၶႅင်ၶဝ်လႂ်ယဝ်ႉ။
ၵူဝ်းရိလ်းလသ်ႉ သမ်ႉပဵၼ် မီၵူၼ်းဢၼ်ယႂ်ႇသေပိူၼ်ႈသုတ်းၼၼ်ႉယဝ်ႉ။ ၶဝ်ယႂ်ႇသုင်လႆႈ တၢၼ်ႇတၢင်းသုင်ၵူၼ်းသေ သမ်ႉတိူၵ်းၼၵ်းလိူဝ် တိူဝ်းႁႅင်းသေၵူၼ်းယဝ်ႉ။ ႁူမ်ႊဝႃႈ တၢင်းႁၼ်တေႃႇ ၵူဝ်းရိလ်းလသ်ႉၶဝ်ၼႆႉ လႅပ်ႈႁၢဝ်ႈသေတႃႉ တီႈတေႉမၼ်း ၶဝ်ၼႆႉ ၵတ်းယဵၼ်သေ မေႃဢၢႆတေႉတေႉယဝ်ႉ။ ၶျိမ်းပႅၼ်းသီးသ်ႉ တင်း ၵူဝ်းရိလ်းလသ်ႉၶဝ်ယူႇတီႈ ဢၾ်ႈၾရီးၵႂ်းယဝ်ႉ။
ဢူဝ်ႇရၢင်းၵူးတၼ်းသ် ၶဝ်သမ်ႉ ယူႇတီႈ ၵုၼ်ၼမ်ႉလူင် ပွတ်းၼီးယူဝ်း တင်း သုမ်းမတ်ႉတြႃးယဝ်ႉ။ ဢူဝ်ႇရၢင်းၵူးတၼ်းသ် ၶဝ်ပဵၼ်တူဝ်သတ်းယူႇထိူၼ်ႇယဝ်ႉ။ ၶဝ်မီးၶႅၼ်ယၢဝ်းလူင် ဢၼ်ပေႃးၶႂ်ႈပဵင်းတၢၼ်ႇတူဝ်ၶဝ်ၼၼ်ႉယဝ်ႉ။ မိူဝ်ႈၵၢင်ဝၼ်း ၶဝ်ၵိၼ်မၢၵ်ႇမႆႉ။ ၵၢင်ၶမ်ႈမႃးသမ်ႉ ၶဝ်ၼွၼ်းတီႈၼိူဝ်တူၼ်ႈမႆႉ ၵႄႈၾိူဝ်ယဝ်ႉ။
ၵိပ်ႉပုၼ်းသ် ဢၼ်ပဵၼ်တူဝ်ဢွၼ်ႇသေပိူၼ်ႈသုတ်ႉၸမ်း ယူႇတီႈၸဵင်ႇၸၢၼ်းဝၼ်းဢွၵ်ႇ ဢေးသီးယႂ်းယဝ်ႉ။ ၶဝ်ဝူဝူင်ဢူင်ႇဢူၺ်ႈ တူၼ်ႈမႆႉၵႂႃႇ တူၼ်ႈတေႃႇတူၼ်ႈသေလႄႈ လႅၼ်ႈၸွမ်း ၵိင်ႇၶႃႊမႆႉၶဝ်လႂ်ယဝ်ႉ။ ၾႃႇတိၼ်ၶဝ်ၼႆႉ ၸၢင်ႊယိပ်းမၼ်ႈလႆႈ ၼင်ႇမိုဝ်းယဝ်ႉ။ ၵိပ်ႉပုၼ်သ်ၶဝ် ၵိၼ် မၢၵ်ႇမႆႉ၊ မူင်ႈမႅင်းတင်းၶႆ လႂ်ၶဝ်ယဝ်ႉ။
- မီၵူၼ်းၶဝ် ယူႇၸွမ်းမုင်ႉႁူမ်ႈႁိူၼ်းၵၼ်ယဝ်ႉ။