တူဝ်သွမ်ၼူမ်း/မႃႉလၢႆး

မႃႉလၢႆးၼႆႉ ပဵၼ်ၸုမ်းတူဝ်ထိူၼ်ႇ ဢၼ်ၶဝ်ႈပႃးၼႂ်းၶိူဝ်းမႃႉၼၼ်ႉယဝ်ႉ။ ၶဝ်မီးၼင်ႁွႆးၵၢႆႇၵွၼ်တင်းသီၶၢဝ် ဢမ်ႇၼၼ် သီလိူင်ပႃးသီလမ် ဢမ်ႇၼၼ်ၵေႃႈ သီၶွၼ်ႇလႂ်ယဝ်ႉ။ မႃႉလၢႆးၶဝ် ယူႇတီႈလိုမ်ဢၾ်ႉၾရီးၵႂ်းၽၢႆႇၸၢၼ်း ပႃႇႁၢတ်ႇသၢႆးလူင် သႁႃးရႃးၼၼ်ႉယဝ်ႉ။ ၶဝ်မီးလၢႆလၢႆၸိူဝ်ႉတေႉတေႉ။ ၸိူဝ်ႉမႃးလၢႆး ဢၼ်ယႂ်ႇသေပိူၼ်ႈသုတ်းၼႆႉ ပဵၼ်မဵဝ်း ၵရီးဝိသ်ႉယဝ်ႉ။ တၢင်းသုင်ၶဝ် မီးလႆႈတေႃႇႁႃႈထတ်း (1.5 မီးတႂ်း)ယဝ်ႉ။ ၶဝ်ယူႇတီႈ ပွတ်းတၢင်းဢွၵ်ႇ ဢၾ်ႉၾရီးၵႂ်းယဝ်ႉ။ ၸိူဝ်ႉမႃႉလၢႆး ဢၼ်ဢွၼ်ႇသေပိူၼ်ႈသုတ်းသမ်ႉ ပဵၼ်မႃႉလၢႆးလွႆယဝ်ႉ။ ၶဝ်သုင်ၽႅဝ်သီႇထတ်း (1.2 မီးတႂ်း)ယဝ်ႉ။ ၶဝ်သမ်ႉယူႇသဝ်းတီႈ လႅၼ်ႊလွႆ လႄႈ လႅၼ်ႊပဵင်း ႁိမ်းၾၢင်ႇၼမ်ႉ ဢၼ်မီးတီႈ ၸဵင်ႇၸၢၼ်းဝၼ်းတူၵ်း ဢၾ်ႉၾရီးၵႂ်းယဝ်ႉ။

မႃႉလၢႆး မီးယူႇ တီးပၢင်ႇ။

မႃႉလၢႆးၶဝ်ၼႆႉ ပဵၼ်တူဝ်သတ်း ဢၼ်လႄႇသႆႉၵိၼ်ယိူဝ်ႈၼၼ်ႉယဝ်ႉ။ ၶဝ်ၼႆႉ လႇႈၶၢမ်ႇတၢင်းတူဝ်သတ်း ၸိူဝ်းၵိၼ်ၼိူဝ်ႉၶဝ် (မိူၼ်ၼင်ႇ သၢင်ႇသီႈၶဝ်၊ သိူဝ်ၾႆးၶဝ်ၸိူဝ်းၼႆႉ ငွႆးၶဝ်ယဝ်ႉ။ ) ၼႂ်းၵႃႊလၢႆးတၢင်းတႃႉမႃႉလၢႆးၶဝ် ႁေႉၵင်ႈလႆႈတူဝ်ၸႂ်ၶဝ် ဢၼ်ၼိူင်ႈၼၼ်ႉတႄႉ ပဵၼ်လွင်ႈဢၼ်ၶဝ်မီး ၼင်လၢႆးၼႆႉၵွၺ်းယဝ်ႉ။ သီလၢႆးၼႆႉ မၼ်းႁဵတ်းႁႂ်ႈသီၶဝ် လေႃးလႄး မိူၼ်တင်းသိုင်ႇႁိမ်းႁွမ်းၵႂႃႇသေ ႁဵတ်းႁႂ်ႈႁၼ်ၶဝ်လႆႈယၢပ်ႇၼၼ်ႉယဝ်ႉ။ ပေႃးဝႃႈ ႁမ်ႉတီႈၵႆၵႆတီႈပၢင်ႇပဵင်းပလႃႉလူင်ၼႆ သီလၢႆးၶဝ်ၼႆႉ ဢဝ်ၽိူဝ်ႈလေႃးတင်း ငဝ်းတိုၼ်း ပဵၼ်ၸွမ်းသၢႆးလႅင်း တင်းငဝ်ႈၵႂႃႇၼၼ်ႉယဝ်ႉ။ ထႅင်ႈလၢႆးၼိူင်ႈၵေႃႈ ၶဝ်မီးတၢင်းလွတ်ႈၽေးၼႆႉ ယွၼ်ႉယူႇၸွမ်းၽုင်ၵေႃႈပႃးယဝ်ႉ။ ၸုမ်းၽုင်ၶဝ်ၼႆႉ ၸၢင်ႊမီးလႆႈတေႃႇ 1,000 တူဝ်လႂ်ယဝ်ႉ။ မႃႉလၢႆးဢွၼ်ႇ ဢၼ်ၸင်ႇၵိူတ်ႇၵေႃႈ ၵႃႊလႆႈလႅၼ်ႈႁႂ်ႈၶိုတ်းၸွမ်းၽုင်လူင်ၶဝ်ယဝ်ႉ။

• မႃႉလၢႆးတူဝ်ပေႃႈၶဝ်ၼႆႉ ၸၢင်ႊၸၼ်ၸႂ်တူဝ်မႃးလူၺ်းၶဝ်ၼၼ်ႉ ႁႂ်ႈၸပ်းတေႃႇမၼ်းမႃးသေ ႁေႉၵင်ႈပၼ် လုၵ်ႈဢွၼ်ႇၶဝ် ႁႂ်းလွတ်ႈယဝ်ႉ။ ဝၢႆးၼၼ်ႉၸင်ႇ မၼ်းတေၶုၼ်ႇႁႂ်ႈလွတ်ႈ။ မၢင်ႊပွၵ်ႈၵေႃႈ မႃႉလၢႆးၶဝ်ၼႆႉ ၸၢင်ႊဢဝ်ၵိပ်ႇတိၼ်ၶႅင်ၶဝ် ပွၺ်ႇပိတ်ႉသႂ်ႇ တူဝ်မႃးႁဵတ်းတီႈၶဝ်ၼၼ်ႉ ႁႅင်းႁႅင်းသေ ႁႂ်ႈဢွၵ်ႇပၢႆႊၵႂႃႇလႆႈၵေႃႈ မီးယူႇယဝ်ႉ။

←  မႃႉ  ●  မႃႉၵုင် →