ဢပုမ်ႇပွတ်းလႄႈၵႂၢမ်းၵပ်းထုၵ်ႇ/ၽႂ်ၼႄးၽႂ်ၵေႃႈယႃႇ တႃႇလီၵၼ်ဢံႇၸႂ်ႈ

ၸိုဝ်ႈႁွင်ႉၸၢႆးထုၼ်း ၵိူတ်ႇၵေႃႈၵိူတ်ႈဝၼ်းထုၼ်း ၸူဝ်ႈမၼ်းႁၼ်ၼႃႈ ပဵၼ်ၵူၼ်းမႃးၼႆႉ ပေႃႈမႄႈၶႅၼ်းၸႂ် ဝၵ်ႉမႃးႁႃလႆႈ ၵိုင်ႇပေႃးတၢင်ႇပၼ်ၸိုဝ်ႈမၼ်းဝႃႈ ၸၢႆးထုၼ်းယဝ်ႉ။ ယႂ်ႇမႃးလူၵ်ႈယူၺ်းတူၺ်းဝၼ်းထုၼ်း - ဢဝ်မေးတႄႇၼႃႈႁိူၼ်း တင်း ၼၢင်းႁွမ်ဢွၼ်ႇ ဢံႇႁွၼ်ႇတွၼ်ႉၽိတ်းၵၼ် ထဵင်ၵၼ်သေပွၵ်ႈ - ႁူမ်ႈလုၵ်ႉႁူမ်ႈၼင်ႈ ႁူမ်ႈယူႇ ႁူမ်ႈၼွၼ်း ပုၼ်ႈၽွၼ်းႁႃငိုၼ်းတႄႉ ပဵၼ် တၢႆးထုၼ်း ပုၼ်ႈၽွၼ်း ႁုင်ၶဝ်ႈႁုင်ၽၵ်း တၵ်းၼံႉသၵ်ႉၶူဝ်းတႄႉ ပဵၼ် ၼၢင်းႁွမ်၊ ထၢၼ်ႈပေႃးလႆႈမႃးသိပ်းပီယၢဝ်း သၢဝ်းပီႁိုင် ထိုင်ၸူဝ်ႈလုၵ်ႈလၢင်း သံႉပေႃးမီး သီႇသၢဝ်သၢမ်မၢဝ်ႇယဝ်ႉ။

-- ၼႂ်းၵႄႈၼႆႉ လိၵ်ႈမၼ်းႁၢႆဝႆႉ --

ထိုင်မႃး လၢႆဝၼ်း လၢႆလိူၼ် လၢႆပီ - ၸၢႆးထုၼ်းၵေႃႈ ဢံႇပေႃးၵႆႉယုမ်ႉၵႆႉၶူဝ် တေႃႈ ၼၢင်းႁွမ် - ၼၢင်းႁွမ်ၵေႃႈ - ဢံႇပေႃးၵႆႉလူလွမ် ယဵင်းတူၺ်း ၸၢႆးထုၼ်း၊ ၵွပ်ႈပိူဝ် ဢဝ်သၼ်ႇတ - ဝႃႇသၼႃႇၶဝ်ၶတ်းၵၼ် ၸၢမ်းတူၺ်းယဝ်ႉ။ ပေႃးလႆႈတႄႇၸႃႉ သၢၼ်ၶတ်းၵၼ်ယဝ်ႉ - ၵေႃႉလႂ်ၵေႃႈ ဢံႇၶႂ်ႈပၼ်သုမ်း ၽူဝ်ၶႂ်ႈပႄႉမေး - မေးၶႂ်ႈပႄႉၽူဝ် လွင်ႈဢံႇၵူဝ်ဢံႇယံၵၼ်ၼၼ်ႉ ႁႅင်းမႃးတိၵ်းတိၵ်း - လွင်ႈမၢၵ်ႈမီးၵေႃႈ ဢံႇပေႃးၶႂ်ႈႁႃယဝ်ႉ။

ၸၢႆးထုၼ်းတႄႉ လႄႇလိုၵ်းလိုၵ်း လုၵ်ႉလႃႈလႃႈ ၼၢင်းႁွမ်သံႉဝႃႈ ႁဵတ်းၶိတ်ႈမၼ်း မေႃးပၼ်ပွင်ႉထႃႉ ၶႃႉၸိုဝ်ႈႁိူၼ်းတႂ်ႈႁိူၼ်းၼိူဝ် - လူဝ်ႇယူႇႁင်းၽႂ်ႁင်းမၼ်းယဝ်ႉ ႁဵတ်းၼႆမႃးယႂ်းယႂ်း - သူသူႁဝ်းၼၼ်ႉယဵၼ်းပဵၼ် ၵဝ်ၵဝ် မႂ်းမႂ်းၵႂႃႇ - ပုၼ်ႈတႃႇလႃးဢၼ်တေပႅတ်ႈၶၢတ်ႇၶၢတ်ႇ ပၢႆႈၽၢတ်ႇၵၼ်ၼႆႉ ႁႃဝႆႉသဵၼ်ႈတၢင်းမၼ်း ၵူႈဝၼ်းတေႃႇပေႃးထဝ်ႈမႃးလွႆးလွႆးယဝ်ႉ။

သၼ်ႇတ လႄႈ ဝႃႇသၼႃႇၼႆႉ - ပေႃးၵႆႉထဵင်ၵၼ်ၶတ်းၵၼ် ၼႄးၵၼ်ယဝ်ႉ မွင်းႁၼ်ၼႃႈ - ၵွႆးၶႂ်ႈဝႃႈၶႂ်ႈပွင်ႉၶႂ်ႈၼႄး သုတ်းတီႈဢံႇမီးၵႂၢမ်းၼႄးသင် - ယင်းဝႃႈတူၺ်းလူး ဢူႈသူၼႆႉ ၶူႈလင်ယႂ်ႇၼႃႇ ၼႃႈၽၢၵ်ႇသူတ်ႇတႃမႅၼ်း သီႇသူပ်းလူၺ်ႈ မဵၼ်ႁိူဝ်ႇမဵၼ်ၶႆးၼႃႇ ၼႆလႄႈ ယိၼ်ႉပွင်ႉယိၼ်းၼႄးၵၼ် ၶႅၼ်းယႂ်ႇမႃးတိၵ်းတိၵ်း၊ မေးဢံႇၵူဝ် ၽူဝ်ဢမ်ႇၶျေႃႉ - မၢင်ၽဝ်ႇမၢင်ပွၵ်ႈ ထၢမ်ပေႃႉထၢမ်ႁႅမ်ၵၼ်လႂ်ၵေႃႈမီးမႃးယဝ်ႉ။

ၵံးၼၼ်ႉ ပေႃးၽူဝ်ႇယူႇတႂ်ႈလၢင်ႈ - မေးသံႉတိုပ်ႈတိုပ်ႇၽၢင်ႈၽၢင်ႈၼိူဝ်ႁိူၼ်း - မၢင်ပွၵ်ႈၵေႃႉမေးၼွၼ်းလပ်း ၽူဝ်သမ်ႉႁပ်းၽၵ်းတူႁႅင်းႁႅင်း ႁႃလၢႆးၸူၵ်ႉတႅင်း မၢၵ်ႁူဝ်ၸႂ်ၵၼ် ဢၼ်ၼႆႉမိူၼ်ၼင်ႇ ၶဝ်ၶိုၼ်းယႃႉႁၵ်းၸၵ်းၽႃႇပႅတ်ႈ တၢင်းႁၵ်ႉၶဝ် မိူဝ်ႈဢွၼ်တၢင်းၼၼ်ႉယဝ်ႉ၊ သႂ်ႇၵႂႃႇသႂ်ႇမႃး ပေႃးၽူဝ်လၢတ်ႈမေးၸိမ် - ပေႃးမေးၸိမ် ၽူဝ်သံႉႁိမ်လၢတ်ႈ - ၽႂ်ၵေႃႈဝႃႈၽႂ်ၸႂ်ႈ မေႃႈၶႂ်ႈလုလုဝၢၼ်ႇၶႂ်ႈလႅဝ်လႅဝ် မၢင်ပွၵ်ႈၽႃႇႁူမ်ႇၽႃႈၵွပ်း ပေႃးဝူင်ဝၢင်ႈၽႅဝ်တႂ်ႈလၢင်ႈ - လုၵ်ႈလၢင်းၵေႃႈ ဢမ်ႇၸၢင်ႈႁဵတ်းႁိုဝ်ၵႅတ်ႇၶႄ ဢွၼ်ၵၼ်ၼႄသၼ်ႇတ ဢဝ်မိုဝ်းၸဵတ်ႉၼံႉတႃႁွင်ႉႁႃ ဢူႈ႟ မႄႈ႟ ပေႃးပၼ်းၸွင်ႇၸွင်ႇ လုင်းထုၼ်းဝႃႈ ၵဝ်ႇၼႆႉ တူၵ်းထွင်ႇၵေႃႈယဝ်ႉ ၼၢႆးႁွမ်သံႉဝႃႈ ၵဝ်ၼႆႉ ၶႂ်ႈတၢႆမိူဝ်ႈလႂ်တၢႆ ဢံႇသေးလၢႆသေၶႅၵ်း - ၵႅၵ်း ယွၵ်းႁဵတ်းၼႆသႂ်ႇၵၼ်မႃးယဝ်ႉ။

ၼၢႆႀွမ်တႄႉ လွမ်တူၺ်း ပေႃးဝႃႈ ၽူဝ်မၼ်းမီးႁိူၼ်းယူႇ ၵၼ်ႉႁဵတ်းၼႃႈတူႇၼႃႈမဵၼ် ပဵၼ်သဵင်ပွင်ႉ သဵင်ထႃႉၸႃႉမေႃႈၼႄးၵွၵ်း ပေႃးၽူဝ်မၼ်းၵျွၵ်းလူင်းႁိူၼ်းၵႂႃႇ ပုၼ်ႇတႃႈမၼ်း သံႉၶိုၼ်းၼွၼ်းဝၼ်း - လုင်းထုၼ်းတႄႉ - မၢင်ပွၵ်ႈၵေႃႈ ဢွၵ်ႇႁိူၼ်းၵႂႃႇတင်းဝၼ်း တင်းသၼ်း - ႁႃတေႃႇၽၢႆႉၵိၼ်လဝ်ႈ ၵဝ်းသၢဝ် ယႃႈၶၢဝ်ႈယႃႈလံ ဢံႇၵံဢံႇဝႄႈ ၵွပ်ႈမႄႈယိပ်းသူပ်းၵျၢမ်း သူပ်းမႆႈ - ထၢၼ်ႈလႆႈပဵၼ်ရေႃးၵႃႇပွတ်ႇၸဵပ်း လိူတ်ႈၶိုၼ်ႈသေ လူမ်ႉတၢႆၵၢင်တၢင်းယဝ်ႉ။

ၵံးၼႆႉ ၼၢႆးႁွမ် ၸင်ႇၶိုၼ်းဝူၼ်ႉလႆႈ ၶႆႈၼႄ လုၵ်ႈယိင်းလုၵ်ႈၸၢႆးဢွၼ်ႇ မၼ်းဝႃႈ - ၼႃႈႁိူၼ်းႁဝ်းၼႆႉ မိူဝ်ႈၵေႃႇငဝ်ႈၵဝ်ႉပိုၼ်းမႃး မီးႁႃးဢူႈသူသွင်ၵေႃႉၵွႆး - ႁႃးမေႃႁၵ်ႉႁူမ် ၸူမ်းပႅင်း ဝၼ်းလႅင်းႁႃႁွမ် တွမ်ၸု - ႁဵတ်းသင်ၵေႃႈတေႃႇ ၵေႃႇသင်ၵေႃႈမၢၼ် - ၵၢၼ်ၵေႃႈၵႆႉၼႃႇၼႃႇ သံႉပေႃးလႆႈၵိၼ်လႆႈလူႇလဵင်လူလုမ်းလႃးသူပီႈၼွင်ႉမႃး တေႃႇပေႃးယႂ်ႇတၢၼ်ႇၼႆႉယဝ်ႉ - ႁႃးဢံႇတွၼ်ႉၽိတ်းၵၼ် ထဵင်ၵၼ်သေပွၵ်ႈ - ၸူဝ်ႈထဝ်ႈမႃးၼႆႉ ၵဝ်ၵေႃႈၵႆႉဝႃႈၵႆႉၼႄး မႄးပၼ်ၸႂ်မၼ်း ႁႂ်ႈမီးၵုင်ႇပႃႇဝႃႇ ယႃႇႁဵတ်းမိူၼ်လုၵ်ႈဢွၼ်ႇ - မၼ်းသံႉဢံႇထွမ်ႇၵႂၢမ်းၵဝ် ဢဝ်ႁႃးၶတ်းၵၼ် ထဵင်ၵၼ် ၽိတ်းၵၼ်ပၢႆႈၵၼ် - ၵွပ်ႈပဵၼၼ် ၸင်ႇပဵၼ်ၼႆမႃး ပႃးၵံႈတၢင်းၽိတ်းၵဝ်ဢိူဝ်ႈ - ၽိူဝ်ႇၵဝ်ႁုတူဝ် သံႉပေႃးတူၵ်းလိုၼ်းယဝ်ႉ ဢေႃး - " ၽႂ်ၼႄးၽႂ်ၵေႃႈယႃႇ - တႃႇလီၵၼ်ဢံႇၸႂ် " ဢၼ်ဝႃႈၼႆႉ (ၵဝ်ပွင်ႇၸႂ်ယဝ့်)² လုၵ်ႈယိင်းလုၵ်ႈၸၢႆးၶဝ် ယႃႇပေယိူင်ႈလႃးလႃးၼႃႈ ဢိုတ်ႉႁိုတ်ႉ... ဢိုတ်ႉႁိုတ်ႉ ႟ - ႟ -။