ဢပုမ်ႇပွတ်းလႄႈၵႂၢမ်းၵပ်းထုၵ်ႇ/တွၼ်ႈ ၵႂၢမ်းၵပ်းထုၵ်ႇ (ၶ)

1. ၶ ပေႃႈမႄႈၸၢင်ႈၽၢၼ် - ၶ လုၵ်ႈလၢၼ်ဢံႇမီးသရေႇ
2. ၶ ပိူၼ်ႈယႃႇဝႃႈၸေး - ၼေးပိူၼ်ႈယႃႇဝႃႈၸွတ်ႇ
3. ၶႃဢံႇၶႅင် ယႃႇၶတ်းၼံႉၸႅဝ်ႈ
4. ၶႃႁၵ်းမီးၵူႈမၢၼ်ႈ - ၶႃႁၢၼ်ႈမီးၵူႈမိူင်း
5. ၶႃၽၢႆႇၼႃႈ ႁုၵႃႈဢံႇမၢၵ်ႈတၢၼ်ႇၶႃလူင်
6. ၶႃႁၵ်းယဝ်ႉၸင်ႇၵႆႉ - ၽႆးမႆႈယဝ်ႉၸင်ႇလႅတ်း
7. ၶီႈမူလပ်ႉတႃ - ၶီႈမႃလပ်ႉၼႃႈ
8. ၶီႈႁႅင်ႈထုၵ်ႇတႃႇမႃ - ၶီႈတႃထုၵ်ႇၸႂ်ႁိၼ်ႉ
9. ၶီႈၵေႃႈထုၵ်ႇမႃ - ႁၢၵ်ႈၵေႃႈထုၵ်ႇမႃ
10. ၶီႈၸမ်ၵိုတ်း ၶႅၼ်းသေ ၶီႈလိုတ်းလိူၼ်သၢမ်
11. ၶီႈယႃႈလၵ်ႉႁၢႆႉ - ၶီႈၽၢႆႉယွၼ်းၸႃး
12. ၶီႈယႃႈၸၢင်ႈလၵ်ႉ - ၶီးလဝ်ႈၸၵ်ႉၶုတ်ႉ
13. ၶႄႇထဝ်ႈၸၢင်ႈၵ - ဝထဝ်ႈဢွမ်ႇၽႆး - တႆးထဝ်ႈၸၢင်ႈပွင်ႉ
14. ၶႄႇလီတီႈတၢင်း - ၶၢင်လီတီႈႁိူၼ်း
15. ၶႂ်ႈသုၵ်ႉႁဵတ်းပွႆးပၢင်း - ၶႂ်ႈသၢင်းလၢင်း ၵႂႃႇပွႆးပိူၼ်ႈ
16. ၶႂ်ႈၸဵဝ်းႁႂ်ႈၵၢၼ်း - ၶႂ်ႈၼၢၼ်းႁႂ်ႈလႅၼ်ႈ
17. ၶႂ်ႈၵိၼ်ၼံ ၵိၼ်ၵိင်ႇၵွႆႈ - ၶႂ်ႈၵိၼ်ၼွႆႈ ၵိၼ်မႄႈမိုဝ်း
18. ၶႂ်ႈၵိၼ်ၼံၵွၼ်ႉၵေႇ - ၶႂ်ႈလႄႇလၢႆတီႈၸဵတ်းလူင်း
19. ၶႂ်ႈမေႃလိၵ်ႈယူႇၵျွင်း - ၶႂ်ႈၸဵဝ်းတွင်းၵႆႉဝႃႈ
20. ၶႂ်ႈၸႃႉၼႃႈငေႃး - တေႃးသၼႃႈၵမ်ႇ
21. ၶႂ်ႈလႆႈတၢၼ်ႇၶႂ်ႈၶီႈ - ၼႃႈဢံႇၵီႈတင်းဝၼ်း
22. ၶႂ်ႈလႆႈတၢၼ်ႇတေတၢႆ - ၶၢႆသင်သိုဝ်ႉၵေႃႈၽွမ်ႉ
23. ၶႂ်ႈလႆႈၸင်ႇမႆႈၸႂ် - ၶႂ်ႁၼ်ၸင်ႇတုၵ်ႉၶ
24. ၶႂ်ႈႁႂ်ႈပၢၼ်သၢဝ်လု - ႁႂ်ႈဝႆႉၸုၼံၼံ
25. ၶႂ်ႈၵိၼ်လႄႈတၵ်ႉ - ၶႂ်ႈလၵ်ႉလႄႈတူင်ႉ
26. ၶႂ်ႈယႂ်ႇ ယူႇမိူင်းလဵၵ်ႉ - ၶႂ်ႈလဵၵ်ႉ ယူႇမိူင်းယႂ်ႇ
27. ၶႂ်ႈၵိၼ်ၸင်ႇတၵ်ႉ - ၶႂ်ႈႁၵ်ႉၸင်ႇလၢတ်ႈ
28. ၶႂ်ႈမီးၵေႃႈမႆႈ - ၶႂ်ႈလႆႈၵေႃႈမဝ်ႈ
29. ၶႂ်ႈလႆႈၵေႃႈၼႅတ်ႈ - ၶႂ်ႈပႅတ်ႈၵေႃႈ ႁိပ်ႈႁိပ်ႈမၢင်ႉမၢင်ႉ
30. ၶႂ်ႈမျၢတ်ႈႁႂ်းၶၢႆလုမ်း - ၶႂ်ႈသုမ်းႁႂ်းၶၢႆယွႆႈ
31. ၶႂ်ႈမျၢတ်ႈၵႃႉတီႈၵႂ်ႈ - ၶႂ်ႈသုမ်းၵႃႉတီႈၵႆ
32. ၶၢမ်ႈၼံႉၸႂ်ယႂ်ႇႁိူဝ်း - ပႆတၢင်းၵိူဝ်းလီၵေႃႉ
33. ၶဵပ်ပႆၵေႃႈ မႆႁွမ်း - ၽူဝ်ၵႂႃႇၵေႃႈမေးၸွမ်း
34. ၶၢမ်ႈၼံႉယႃႇလုတ်ႈတႃႈ - ဝႃႈသင်ႁႂ်ႈတွင်းၵႂၢမ်း
35. ၶိၼ်းၵၼ်ဢံႇမႃးၶိုၼ်ႈ - တိုၼ်ႈၼင်ႇလွၵ်းသၢႆလီ
36. ၶိုၼ်ႈသၢႆဢူၵ်းၵေႃႈ ယွၼ်ႇသၢႆႁၢင်
37. ၶူဝ်လွႆးလွႆးၶၼ်ၵႃႈ - ၶူဝ်ဢႃႈပၢၵ်ႇၶၼ်ပေႃး
38. ၶူဝ်လီၶူဝ်ပႃႈၼႃႈ - ၶူဝ်ၸႃႉၶူဝ်ပႃႈလင်
39. ၶူဝ်ၽၢႆႇၼႃႈဢံႇပဵၼ်သင် - ၶူဝ်ပႃႈလင်ပိူၼ်ႈၶႂ်ႈၸႃႉ
40. ၶိၼ်းပိူၼ်ႈယဝ်ႉလိုမ်းဝၼ်း - ၽိူဝ်ႇႁဝ်းတၼ်းပိူၼ်ႈဢံႇၽွမ်ႉ
41. ၶိၼ်းၵၼ်ႁႂ်ႈတွင်းယၢမ်း - ၵႂၢမ်းၸင်ႇမီးၵတိ
42. ၶုၼ်လႆႈၼႃႈ - ၶႃႈတေတၢႆ
43. ၶူဝ်းသၢင်းၽေႃး - ပေႃးၽႂ်ပၢႆႉတေႃလွၵ်ႇ မၼ်းငိူဝ်ႈ
44. ၶဝ်ႈဢံႇလိူဝ် - ၵိူဝ်ဢံႇၼဝ်ႈ
45. ၶဝ်ႈဢၢၼ်လႅင် - ၽၵ်းၵႅင်ၸၢင်
46. ၶဝ်ႈလိူင်ႇငိုၼ်းမၢၵ်ႈ - ဢံႇယၢၵ်ႈၸႂ်သင်
47. ၶဝ်ႈဢုၼ်ႇၽၵ်းမႆႈ - လႆႈၵိၼ်ၶိုတ်းယၢမ်း
48. ၶဝ်ႈဢံႇႁၢဝ်ႈတံၼဵဝ် - လုၵ်ႈၵေႃႉလဵဝ် ဝႃႈယၢပ်ႇ
49. ၶဝ်ႈၵႃႈဢံႇပေႃးၶီ - လုၵ်ႈဢံႇလီၸၢင်ႈယၢၵ်ႈ
50. ၶဝ်ႈတေမူတ်းၵိၼ်ဝၢၼ် - ၵူၼ်းတေၽၢၼ် ၸိုဝ်ႈလု
51. ၶၢဝ်ႇမိူင်းၵႆလႅပ်ႈၶိုၵ်ႉ - ဢံႇပေႃးလိုၵ်ႉလူင်လၢင်
52. ၶၢဝ်ႇမိူင်းၵႆလႅပ်ႈၸႂ်ႈ - ႁၼ်ၵႂ်ႈ ဢံႇၵႃႈႁိုဝ်
53. ၶၢဝ်ႇၸႃႉၵႂႃႇသိပ်းဝၼ်း - ၶၢဝ်ႇလီပႆႇတၼ်းၽၢၵ်ႈ
54. ၶွင်ၶၢႆၼင်ႇၶွင်လူႇ - တီႈယူႇၼင်ႇႁေႃၶမ်း
55. ၶွင်လီဢံႇတၢပ်ႈၼံ - ၶီႈယႃႈပႄႉၵံးၶဝ်ႈ
56. ၶွင်ဢံႇၼံ - ယႃႇၵိၼ်ၸံႁူးလွင်ႈ
57. ၶွင်ဢံႇလီပိူၼ်ႈပႅတ်ႈ - ဢၢႆႈမၢၵ်ႇတႅတ်ႇ ၵဵပ်းဢဝ်
58. ၶွင်ပႅတ်ႈလၢႆပိူၼ်ႈဝၢင်း - တူၵ်းၵၢင်တၢင်းယႃႇၵဵပ်းဝႆႉ
59. ၶွင်မဝ်ပိူၼ်ႈၸင်ႇပႅတ်ႈ - ယႃႇႁိပ်ႈၼႅတ်ႈၵဵပ်းဢဝ်
60. ၶွင်လီပေႃႇမီးမိူဝ်ႈ - ၵူၼ်းငိူဝ်ႈဢံႇမေႃၵိၼ်
61. ၶွင်ၵႃႈပေႃႇမီးလိူၼ် - ဢၢႆႈဢိူၼ်လိူၼ်ဢံႇမၵ်ႉ
62. ၶွင်လီဢံႇပေႃး - ၶွင်ပေႃးဢံႇလီ
63. ၶွင်လီသံႉဢမ်ႇၵႃႈ - ဝႃႈဢံႇဝႃႈ ပဵၼ်ဢၼ်ၵႅၵ်း
64. ၶွင်လီဢံႇၵႃႈယႂ်ႇ - သႂ်ႇတႄႉၺႃးဢၼ်ပွမ်
65. ၶွင်ၵႃႈၸင်ႇလီ - ၶွင်ပေႃးၶီႈႁေႈ
66. ၶွင်ၸဝ်ႈၵဝ်ႇ - ႁူဝ်ၶဝ်ႇၶွၼ်း
67. ၶွင်ပိူၼ်ႈသံႉၶႂ်ႈတႅၵ်ႇ - ပႅၵ်ႉသၢၼ်ႇဢံႇၶႂ်ႈၸူၵ်း
68. ၶူၼ်ႉတိူၵ်ႇၼႃးယိူဝ်ႈၼဝ်ႈ - ၶူၼ်းၵႂၢမ်းၵဝ်ႇၽိတ်းၵၼ်
69. ၶၢႆယၢပ်ႇပိူဝ်ႈသိုဝ်ႉၵႃႈ - ဝႃႈယၢပ်ႇပိူဝ်ႈၵူၼ်းတိုဝ်
70. ၶၢႆလီမီးပိူဝ်ႈသုၼ်ႇ - ၼွၼ်းဢုၼ်ႇပိူဝ်ႈၽႃႈၼႃ
71. ၶႆးၼုၵ်းလိၼ်လႅင် - သႅင်ၼုၵ်းလိၼ်ၵူမ်ႇ
72. ၶႆးပႆႇဢွၵ်ႇ - ၶွၵ်ႇပႆႇယႃႉ
73. ၶႆႈၶိူဝ်းမိူင်းၸႂ်လု - ၶႆႈၶိူဝ်းၸုၸႂ်လီ
74. ၶႅၵ်ႇၵိုၼ်းၵေႃႈငိုၼ်းၶွၼ်ႈ - ၶႅၵ်ႇၵွၼ်ႈၵေႃႈငိုၼ်းၼွင်း
75. ၶႅၵ်ႇၶၢႆၶႅၵ်ႇၵ - ပႃႉပၼ်ၸဝ်ႈႁိူၼ်းမီး
76. ၶႅၵ်ႇပႃးမႃးငိုၼ်းၶဝ်ႈ - ၶႅၵ်ႇတဝ်ႈပႃးငိုၼ်းၸူး
77. ၶႅၵ်ႇငိုၼ်းၶႅၵ်ႇတွင်း - ၼွင်းမႃးယေႈၶႅၼ်းၶႅမ်ႉ
78. ၶႅၵ်ႇလၢဝ်းမႃႉ - ၵႃႉမျၢတ်ႈမႅင်ႇငိုၼ်းႁွမ်
79. ၶႅၵ်ႇသိုဝ်ႉၶႅၵ်ႇၶၢႆ - မႃးလၢႆပွၵ်ႈၵေႃႈယဝ်ႉ
80. ၶႅၵ်ႇၵိၼ်ၶႅၵ်ႇၵူႈ - ဢံႇသူႈမႃးၶႅၼ်းလီ
81. ၶႅၵ်ႇလၢဝ်းတွၼ် - ၸွၼ်ၵိၼ်လၢႆ ပၢႆယွၼ်းၵူႈ
82. ၶႅၵ်ႇတဝ်ႈၵေႃႈ - ၸဝ်ႈႁိူၼ်းမဝ်း
83. ၶႅၵ်ႇမႃးဢံႇပႃးၽႃႈ - သံႉဝႃႈၸဝ်ႈႁိူၼ်းထီႇ
84. ၶႅၵ်ႇမႃးဢံႇပႃႈၽႃႈ - ယၢပ်ႇတၢၼ်ႇၶႃႈလိပ်းၶဝ်
85. ၶႅၵ်ႇလၢဝ်းတွၼ်ႇ - ၸွၼ်ၵိၼ်ၸွၼ်ၼွၼ်း - သံႉပၢႆယွၼ်းႁေႃႇၶဝ်ႈ
86. ၶႅၵ်ႇၸဝ်ႈၶႅၵ်ႇၶုၼ် - ၶႅၵ်ႇၸဝ်ႈမုၼ် လုမ်းလႃးယၢပ်ႇ
87. ၶႅၵ်ႇထဝ်ႈၶႅၵ်ႇဢူဝ်ႇ - လႆႈၵုသူလ်ႇၵေႃႈၶၢၼ်ႉလုမ်းလႃး
88. ၶႅၵ်ႇလီမီးၶွင်ၽၢၵ်ႇ - ၶႅၵ်ႇၸႃႉပၢၵ်ႇသဵင်ၸၢင်
89. ၶႅၵ်ႇထင်ႁိုင်ၼၢၼ်းမိူဝ်း - လၢႆးတၢၼ်းသိူဝ်းပေႃးႁၢႆ
90. ၶႅၵ်ႇထင်ႁိုင်ၼၢၼ်းပွၵ်ႈ - လွၵ်ႈၽႃႈသၵ်ႉပေႃးမဝ်း
91. ၶႅၵ်ႇလီၶႆႈတြႃး - ၶႅၵ်ႇၸႃႉမႃးၶႃႉပိူၼ်ႈ
92. ၶံႈဝႃႈသႂ် - ၼႂ်ဝႃႈၶုၼ်ႇ -လႅတ်ႇဢုၼ်ႇဝႃႈႁူဝ်မဝ်း
93. ၶၢၼ်ႉဢၢပ်ႇၼံႉ - သံႉၶႂ်ႈၼုင်ႈၶူဝ်းၶၢဝ်
94. ၶၢၼ်ႉဢွၵ်ႇငိုၼ်းတွင်း - သံႉမွင်းၵိၼ်လီ
95. ၶၢၼ်ႉသၵ်ႉၶူဝ်းၸင်ႇတူႇ - ယူႇသုၵ်ႉသၵ်ႉၸင်ႇမဵၼ်
96. ၶၼ်ၶိုၼ်ႈၼႅတ်ႈၸူမ်းၶၢႆ - ၶိုၼ်းသေးလၢႆဢံႇယဝ်ႉ
97. ၶၼ်ၶိုၼ်ႈယႃႇၼႅတ်ႈၶၢႆ - ၶၼ်တၢႆလူဝ်ႇသိုဝ်ႉဝႆႉ
98. ၶၼ်သႅင်ဢံႇယူႇတီႈၵဝ်ႇ - ၶၼ်ၶဝ်ႈဢံႇမီးတီႈလဵဝ်
99. ၶေႃႈၸိုဝ်ႈသဵင်ဢံႇၸႂ်ႈ - ၽႂ်ၵေႃႈဢံႇၶႂ်ႈထွမ်ႇ
100. ၶိင်ႇဢံႇသႃႇ - ၶႃႇဢံႇမႅၼ်ႈ - ယႃႇလႅၼ်ႈၵႂႃႇလႅၼ်ႈမႃး
101. ၶူပ်ႇမိူဝ်ႈပိူၼ်ႈလဵင်ႉႁဝ်း - ၶူပ်ႇမိူဝ်ႈႁဝ်းလဵင်ႉပိူၼ်ႈ

←  လမ်းၼႂ်း