ဢပုမ်ႇပွတ်းလႄႈၵႂၢမ်းၵပ်းထုၵ်ႇ/တွၼ်ႈ ၵႂၢမ်းၵပ်းထုၵ်ႇ (ပ)

1. ပၺႃႇၼမ် - ၶဝ်ႈထမ်ႈဢမ်ႇလႆႈ
2. ပႃၼဝ်တူဝ် ႞ - ၼဝ်ႈတင်းသႃႉ
3. ပႃၶူဝ်ႈၵွၼ်ႉမႃးဝၢင်း - ၸၢင်ႈၶႄးလၼ်ဢွၵ်ႇပၢႆႈ
4. ပႃဢမ်ႇၵဵတ်း - ႁဵပ်းဢမ်ႇႁွမ်
5. ပႃဢမ်ႇမီးႁူ - ပူဢမ်ႇမီးပိၵ်ႇ
6. ပႃဢမ်ႇမီး ၶဵတ်ႇၵႃႈ - ယႃႈဢမ်ႇမီး သႃးၸေးပေႃး
7. ပႃၶီးၸူမ်းၼမ်ႉမႂ်ႇ
8. ပႃၶီးလၢႆးပွမ်တဝ်း - မႄႈႁိူၼ်းလဝ်ပွမ်သၢဝ်
9. ပႃပႆႇတွၼ်ႇ - ယႃႇၼႅတ်ႈထွတ်ႇၵၼ်းမဵတ်း
10. ပႃႇၶႃးလႅင်မီးသိူဝ်ၽႆး
11. ပၢႆလိူဝ်မီး - သမ်ႉပီးထႅင်ႈ
12. ပၢႆလိူဝ်ၵပ်ႉ - သံႉမႃးလပ်ႉၼႃႈၵုၼ်ႇ
13. ပၢႆလိူဝ်ၶၢၼ်ႉ သံႉငဝ် - ပၢႆလိူဝ်မဝ် သံႉလႅတ်း
14. ပၢႆလိူဝ်ၼူၵ်ႉသံႉတိုဝ် - ၽႂ်ဝႃႈႁိုဝ်ဢံႇပွင်ႇ
15. ပၢႆလိူဝ်ၽၢၼ်သံႉၶၢၼ်ႉ - ပၢႆလိူဝ်သၢၼ်ႉ သံႉၵွတ်း
16. ပၢႆလိူဝ်မီးငိုၼ်း - ႁဵတ်းသင်ၵေႃႈတိုၼ်းသုၼ်ႇ
17. ပၢႆလိူဝ်ၸၢင်ႈဢုပ်ႇ - သံႉတဵၵ်းလႆႈၽၢၼ်း
18. ပၢႆလိူဝ်ၸၢင်ႈၵၢၼ်း - သံႉၺႃးသၢဝ်ၼွၼ်းၼူၵ်ႇ
19. ပၢႆလိူဝ်ပိူၼ်ႈတူၵ်းၸၢၼ်း - သံႉဢဝ်ၵၢၼ်းၸွမ်းပုင်ႈ
20. ပၢႆမႃႉ မႃႉလၢႆး - ပၢႆၵႂၢႆး ၵႂၢႆးၽိူၵ်ႇ
21. ပႆႇတင်းၵူတ်ႉဢံႇတၢႆ - ပႆတၢင်းသိုဝ်ႈဢၢႆပိူၼ်ႈ
22. ပႆႇႁၼ်ယႃႇၼႅတ်ႈဝႃႈ - ၵႃႈငိၼ်းယႃႇၼႅတ်ႈယုမ်ႇ
23. ပႆႇယၢမ်ႈႁုလၢမ်းၶိုင် - ၼိုင်ၵမ်းလႂ်ၽိတ်းၵမ်းၼၼ်ႉ
24. ပႆႇလၢတ်ႈပေႃးႁု - ပႆႇလုပေႃးႁၼ်
25. ပႆႇမေႃၶႂ်းၸုၼ်ႉၵၢမ်ႇ - တႃႉၶၢမ်ႇႁဵတ်းၶႃႈပိူၼ်ႈ
26. ပိူၼ်ႈလၢတ်ႈၸႃႉယႃႇၼႅတ်ႈၶီ - ပိူၼ်ႈလၢတ်ႈလီယႃႇၼႅတ်ႈယုံႇ
27. ပိူၼ်ႈပႂ်ႉမိူဝ်ႈလပ်ႉတႃ - ၽိူဝ်ႇႁဝ်းငႃ ပိူၼ်ႈပေႃးတၢပ်ႇ
28. ပိူၼ်ႈႁွင်ႉယႃႇၼႅတ်ႈပိုတ်ႇ - ပိူၼ်ႈဢိုတ်ႇ ယႃႇၼႅတ်ႈလူင်း
29. ပိူၼ်ႈၵိၼ်ပေႃးဝၢႆး - ၽၢႆးလူင်ၸင်ႇတေတဝ်ႈ
30. ပိူၼ်ႈဝႃႈႁိုဝ်ၼႅတ်ႈယုမ်ႇ - ပေႃးၵုမ်ႇမိုင်ႉသုမ်းၸွမ်း
31. ပိူၼ်ႈပၼ်ႁဝ်းၼေႃႇ - လူဝ်ႇႁေႃႇမႅင်ႇပိူၼ်ႈၵိူဝ်
32. ပိူၼ်ႈလီဢံႇတၢၼ်ႇပီႈၼွင်ႉႁၢႆႉ
33. ပိူၼ်ႈထၢမ်ၶၢႆႁႂ်ႈသိုဝ်ႉ - ပိူၼ်ႈထၢၼ်သိုဝ်ႉ ႁႂ်ႈၶၢႆ
34. ပိူၼ်ႈႁဵတ်းႁဝ်းယိူင်ႈ - ပိူၼ်ႈၶီႇမႃႉႁၢင်ႈၶိူင်ႈ - ႁႃးၶီႇတႅပ်းၶႃး
35. ပိူၼ်ႈလႆႈပိူၼ်ႈဢဝ် - ႁဝ်းလႆႈႁဝ်းတူပ်ႇ
36. ပိူၼ်ႈလွၵ်ႇၵေႃႈၵူဝ််- ပိူၼ်ႈၶူဝ်ၵေႃႈတိုၼ်ႇ
37. ပိူၼ်ႈၶႃႉဢံႇမီးလွင်ႈ - ပိူၼ်ႈယွင်ႈဢံႇလီၸူမ်း
38. ပိူၼ်ႈမီးၽူဝ်ႁဝ်းမီးၽူဝ် - ၵူဝ်ပဵၼ်မေးၶဝ်ထႅင်ႈၸၢတ်ႈၼႃး
39. ပိူၼ်ႈမီးမေးႁဝ်းမီးမေး - ပဵၼ်ၽေးလူင်ၵူႈမိူဝ်ႈ
40. ပိူၼ်ႈမီးလုၵ်ႈႁဝ်းမီးလုၵ်ႈ - သုၵ်ႉသၢၵ်ႉၸႂ်ၵူႈဝၼ်း
41. ပိူၼ်ႈမီးလၢၼ်ႁဝ်းမီးလၢၼ် - ၶၢၼ်ၸႂ်မႃႇပေႃးလူၺ်ႈ
42. ပွႆးၵိုၼ်းငိုၼ်းမူတ်း
43. ပူင်တီႈမႃႇၵေႃႈ - သႃႇတီႈၸႂ်
44. ပေႃးဢံႇတၢႆ ၶၢႆဢံႇၶၢတ်ႇ - ၸွမ်းၶဝ်ႈၵၢတ်ႇယႅပ်းယႅပ်း
45. ပေႃႉတူဝ်ဢွၼ် - သွၼ်တူဝ်လိုၼ်း
46. ပေႃးၽိတ်း ၽိတ်းၵူၼ်းႁု - ပေႃႈၵူႈ ၵူႈၵူၼ်းမီး
47. ပေႃးၸႂ်ႈၵေႃႈဢဝ် - သင်မဝ် ႁႂ်ႈပႅတ်ႈ
48. ပဵတ်ႈတေလုႁူယၢၼ်း - ၸၢၼ်းတေလုတူင်ၶွၼ်ႈ
49. ပီႈၼွင်ႉၽၢတ်ႇသၢမ်ပီ - လီၵေႃႈယႃႇၼႅတ်ႈယုမ်ႇ
50. ပိုင်ႈမႆႉၵေႃႈမႆႉႁၵ်း - ပိုင်ႈလၵ်းၵေႃႈလၵ်းၵူၼ်ႇ
51. ပွင်ႉလုၵ်ႈပွင်ႉလၢၼ် - ၶၢၼ်ၸႂ်တႃႇထဝ်ႈ
52. ပႂ်ႉၵိၼ်မိူင်းလႆႈယူႇ - ပႂ်ႉမူႇၶဝ်ႈၽၵ်းယဵၼ်
53. ပၢင်တၢႆးမွင်းၼွၵ်ႇ - ၼူၵ်ႉၸွၵ်ႇမွင်းႁၢင်ၶူမ်းၶဵဝ်း
54. ပၼ်လၢႆလၢႆ - ပၢႆႈပေႃးလူမ်ႉ
55. ပႅတ်ႉၶုၼ်လႆႈၶျၢၼ်းသႃႇ - ပႅတ်ႉသြႃႇတူၵ်းငရၢႆး
56. ပႂ်ႉသုၼ်ႇၸၢင်ႈၶႄးႁၢမ်း - ပႂ်ႉယၢမ်းတူၵ်းလိုၼ်းပိူၼ်ႈ
57. ပၼ်တီႈမႆႈ - ဝႆႉတီႈယဵၼ်
58. ပေႃႉၵေႃႈဢံႇလၵ်း - သၵ်းၵေႃႈဢံႇလႅမ်
59. ပေႃးႁုၸၵ်းတုၵ်ႉၶႃႉ - ယႃႇပေၵႂႃႇၸူးမၼ်း
60. ပီႈၼွင်ႉဢံႇမႅၼ်ႈၵၼ် - ၽႂ်ႁၼ်ပိူၼ်ႈၶႂ်ႈႁၢၵ်ႈ