ဢပုမ်ႇပွတ်းလႄႈၵႂၢမ်းၵပ်းထုၵ်ႇ/င ဝႃႈငိုၼ်း ၽႂ်မီးၵေႃႈတိုၼ်းၵျ

ၼႂ်းလေႃးၵလူင်ၼႆႉ ဢၼ်ပိူၼ်ႈလူဝ်ႇၵဵၵ်ႈႁၵ်ႉပႅင်းႁႅင်းတွၼ်း ၼွၼ်းပေႃးဢံႇလပ်း ၸႂ်ၸပ်းၸႂ်ပႅၼ်း လႅၼ်ႈႁႃမၼ်းယူႇတႃႇသေႇ ဢံႇၶႂ်ႈၽၢတ်ႇ ၶႂ်ႈယၢၼ်သေပွၵ်ႈၼႆႉ ပဵၼ်ဢီႈသင်ဢေး ပေႃးပီႈၸၢႆးလိုၼ်းႁဝ်းႁု ၸၢမ်းလၢတ်ႈၼႄဢိတ်း ႞ လူး။

ဢလူဝ်ႉ... ၸၢႆးၶံးထိူင်းၵေႃႈ ၵူၼ်းဢႃႇယုပေႃးတဵမ်သၢဝ်း ၵူၼ်းယႂ်ႇယၢဝ်းၶၢဝ်သုင် ၼုင်ႈတင်းသိူဝ်ႈၵျႃႇၵျိၼ်ႇသိုၵ်းလူင် ႁၢင်ႈပေႃးမိူၼ်ပူဝ်ႇထၢၵ်ႈ ဢၼ်ပိူၼ်ႈလူဝ်ႇ ပိူၼ်ႈၵဵၵ်ႈၶႂ်ႈႁၵ်ႉၶႂ်ႈပႅင်းယူႇ ဝၼ်းဝၼ်းၶိုၼ်းၶိုၼ်းၼႆႉ ပဵၼ်သၢဝ်ႁၢင်ႈလီဢိူဝ်ႈ။

ၵႂၢမ်းၸဝ်ႈၵဝ်ႇ လၢတ်ႈၼႆႉ ႁႃးထၢင်ႇ တေပႆႇပေႃးမႅၼ်ႈလွင်ႈမႅၼ်ႈလၢႆးမၼ်းႁေး - ယူႇၽၢႆႇၵူၼ်းၸၢႆးသေလႄႈ ဝႃႈလူင် ၸၢႆးလၢဝ်းမိူင်းတေႁုသေႁဝ်းယူဝ်း။

ႁုဢိူဝ်ႈ ႁုဢိူဝ်ႈ ၵဝ်ၼႆႉ သိပ်းမိူင်းၶဝ်ႈ ၵဝ်ႈမိူင်းဢွၵ်ႇ လွၵ်ႉၸွၵ်ႇၵေႃႈ ၽႅဝ်မႃးယဝ်ႉလူင် - ႁႃးဝႃႈတႄႉ ပဵၼ်ၶဝ်ႈသုၵ်းဢိူဝ်ႈ ၽႂ်တေဢိုပ်းလႆႈၶဝ်ႈသုၵ်းၼႆႉ -

ၼႆႉၵေႃႈ ပႆႇပေႃးလႅပ်ႈတိူဝ်ႉၼဵၼ်မၼ်းလီလီႁေး ၶႄးၶႄး ပီႈသၢင်ႇသု တေႁုသေႁဝ်းၸိူဝ်းၼႆႉယူဝ်း - ပဵၼ်ဢီႈသင်ၼေႃ ပီႈသု -

ႁႃးတႄႉ ႁုဝႃႈႁုယဝ်ႉ ႁုဢဝ်သံႉပေႃးႁူႇဢိူဝ်ႈ ဢၼ်ပိူၼ်ႈၵဵၵ်ႈပိူၼ်ႈလူဝ်ႇၼႆႉ ပဵၼ်ၵုသူလ်ႇတၢင်းလီဢိူဝ်ႈ ပေႃးၶၢဝ်းၼႂ်းဝႃႇၼႆႉ ပိူၼ်ႈၶႅၼ်းလူဝ်ႇၼႃႇၼႃႇဢံႇၸႂ်ႈႁိုဝ်

ဢိူဝ်ႈ - ၼႆႉတႄႉ ႁၢင်ႈၶႂ်ႈၸႂ်ႈၽၢပ်ႈၸႂ်ႈၽိပ်ႈဝႆႉဢိတ်းဢိတ်းယူႇ - ၵုသူလ်ႇၼႆႉ ပိူၼ်ႈလူဝ်ႇၵွပ်ႈပိူဝ်ႈသင်ၼေႃ - ပေႃးလႆႈမႃး တေဢဝ်ၸႂ်ႉဢဝ်တိုဝ်းတီႈလႂ်ၵွႆးၵွႆး ၸၢမ်းၽွႆးၼႄ ႁူဝ်ယွႆႈမၼ်းပၼ်ႁဝ်းဢိတ်း ႞ လႄႈ ပီႈသုၵေႃႈ -

ႁႂ်ႉ - ပေႃးၸၢႆးၶံးလိုၼ်း ၶိုၼ်းထၢမ် ႁူဝ်ယွႆႈ ႁူဝ်ယႅမ်းမၼ်းမႃးတႄႉ ႁႃးၵေႃႈ ႁိုဝ်တေလၢတ်ႈလႆႈၼင်ႇၵဝ်ႇ

ဢိူဝ်ႈ - ပေႃးၸဝ်ႈၵဝ်ႇ ဢံႇမေႃလၢတ်ႈၵေႃႈ ဝႆႉၼႆႈၵွၼ်ႇလႃႈ ၵံးၼႆႉ တႃႉႁဝ်းၽွမ်ႉၵၼ် ထၢမ်တူၺ်း ပီႈသၢင်ႇငိုၼ်းလူး - ၶႅၼ်းတေႃႈယုၵ်ႉတူဝ် ယေႃးၶိင်းမႃးလၢတ်ႈၼႄႁဝ်း ဢိတ်း ႞ လူး ပီႈသၢင်ႇငိုၼ်း ၊

သူၸိူဝ်းၼႆႉ လႅပ်ႈၸိုဝ်ႈသူႇၼႃႇၼႃႇႁေး - ၸၢႆးလိုၼ်းၶံးထိူင်း - လၢဝ်မိူင်း - ဢၢႆႈသု - ၵေႃႉလႂ်ၵေႃႈ သံႉယင်းဝႃႈ ပႆႇႁုလူၵွၼ်ႇ - သူဢံႇႁွၼ်ႇ သိုဝ်ႉတူၺ်းႁႃႉပပ်ႉလိၵ်ႈ ဢၼ်လုင်းတၢင်းၵႄးတႅမ်ႈဝႆႉ ၵႂၢမ်းၵပ်းထုၵ်ႇ လႄႈ ဢပုမ်ႇပွတ်းၼၼ်ႉ ဢၼ်ပိူၼ်ႈ လူဝ်ႇပိူၼ်ႈၵဵၵ်ႈတင်းမိူင်းၼႆႉ ပဵၼ်ၸိုဝ်ႈၵဝ်ၼႆႉယဝ်ႉ ၊ "င ဝႃႈငိုၼ်း ၽႂ်မီးၵေႃႈ တိုၼ်းၵျ၊ င ဝႃႈငိုၼ်း ႁႃဝၼ်းၶိုၼ်းယႃႇၶၢၼ်ႉ၊ ငိုၼ်းၶံးမီးၵူႈပၢႆမႆႉ - ၽႂ်ၵႆႉၵေႃႈ ပဵၼ်ပုၼ်ႈမၼ်း" ၵႂၢမ်းၸိူဝ်းၼႆႉၵေႃႈ သူပႆယၢမ်ႈငိၼ်းယူဝ်း။

ပေႃးငိုၼ်းၵွတ်းၵေႃႈ ၽႃႈႁူမ်ႇပွတ်း - ပေႃးငိုၼ်းယၢၼ်ၵေႃႈ ပဵၼ်ၵူၼ်းၽၢၼ် ၊ ပေႃးငိုၼ်းဢေႇၵေႃႈ - သရေႇမဝ် ၊ ပေႃးငိုၼ်းမူတ်းၵေႃႈ - ၵူၼ်းႁူဝ်ႁူတ်း ၊ ပေႃးငိုၼ်းၶၢတ်ႇၵေႃႈ - ဢံႇႁတ်းၶဝ်ႈၵၢတ်ႇ ၶဝ်ပွႆးတၢင်းလႂ်၊ ၽႂ်ဢံႇမီးငိုၼ်းၵေႃႈ ငွၵ်ႈၶေႃးယိုၼ်းတူၺ်ႈပိူၼ်ႈလၢႆလၢႆဝႃႈၼႆဢိူဝ်ႈ ဢၢႆႈၶဝ်ၸိူဝ်းၼႆႉ႟ - ၸႂ်ႈဢံႇၸႂ်ႈ ၶိုၼ်းလၢတ်ႈမႃးလူး။

ဢိူဝ်ႈၼေႃ - ၸႂ်ႈဝႃႈၸႂ်ႈၸႂ်ႈ - ၵဝ်ပေႃးဢံႇၶႂ်ႈလၢတ်ႈၵႂၢင်းမႅင်းယဝ်ႉ ဢလူဝ်ႉ ၵိုင်ႇၸိုဝ်ႈၸဝ်ႈၵဝ်ႇ သံႉပေႃးၸိုဝ်ႈ ပီႈသၢင်ႇငိုၼ်းယဝ်ႉ - တၢင်းႁုၵေႃႈတိုၼ်းၵျတၢင်းႁႃၵေႃႉ တိုၼ်းၵတ်ႉတႄႉဢိူဝ်ႈ။

ပေႃးတူၵ်းလိုၼ်းၵေႃႈဢံႇလႆႈငိုၼ်း
ပေႃးထိူင်းထိူင်းၵေႃႈဢံႇလႆႈငိုၼ်း
ပေႃးၵုမ်ႇမိုင်ႉလၢဝ်းမိူင်းၵေႃႈဢံႇလႆႈငိုၼ်း
ထူၺ်ႈၸႂ်ယႂ်ႇၸႂ်လူင်မေႃး သု - သု
မိူၼ်ပီႈသၢင်ႇသုၵေႃႈ ဢံႇလႆႈငိုၼ်း

မႅၼ်ႈဝႃႈမႅၼ်ႈယဝ်ႉ ၵႂၢမ်းၸဝ်ႈၵဝ်ႇလၢတ်ႈၼႆႉ ၸပ်းပိုၵ်းပေႃးတၢၼ်ႇပိုၼ်ၵၢင်ႇယိုဝ်းၽင်ႇႁိုၵ်းယဝ်ႉ။