ပပ်ႉၵႅမ်မိုဝ်းယေႃးၵီႇ/ဢၼ်ၵူၼ်းႁဝ်းဝႄႈဢမ်ႇလွတ်ႈ

ၵူၼ်းႁဝ်းၼႆႉ ဢၼ်ႁဝ်းဝႄႈဢမ်ႇလွတ်ႈလႆႈၼၼ်ႉ ပဵၼ်တၢင်းတၢႆယဝ်ႉ။ ၸဝ်ႈၵဝ်ႇၸွင်တေမေႃတၢႆႁိုဝ်။ ပေႃးၶႂ်ႈမေႃတၢႆၼႆၸိုင် မိူဝ်ႈပႆႇတၢႆၼႆႉ ၶတ်းၸႂ်ႁဵတ်းၵၢၼ်ဝိပသ်ႉသၼႃႇတႃႉ။ ၵၢၼ်ဝိပသ်ႉသၼႃႇ ဢၼ်ဝႃႈၼႆႉ ပဵၼ်ၵၢၼ်ၽိုၵ်းတၢႆယဝ်ႉ။ ၵၢၼ်သင်သေဢမ်ႇဝႃႈ ပေႃးဢမ်ႇၽိုၵ်းၼႆ တိုၼ်းတေဢမ်ႇမေႃ။ ပေႃးၽိုၵ်းၼႆတႄႉ ႁူႉၵႃႈတေမေႃယူႇ။

မိူၼ်ၼင်ႇ ၵူၼ်းၽိုၵ်းလုၺ်းၼမ်ႉၼၼ်ႉယဝ်ႈ။ မိူဝ်ႈတႄႇၽိုၵ်းၼၼ်ႉတႄႉ မၢင်ၵမ်းၵေႃႈ တေၸူမ်၊ မၢင်ၵမ်းၵေႃႈ တေႃႈတေၵႅၼ်ႉယူႇ။ ၵူၺ်းၵႃႈ ပေႃးၽိုၵ်းၵႂႃႇၽိုၵ်းမႃး ႁူႉၵႃႈတေမေႃလုၺ်းၼမ်ႉမႃးယူႇ။ တႃႇတေတၢႆၼၼ်ႉၵေႃႈ ၶႅၼ်းတေႃႈၽိုၵ်းဝႆႉတႃႉ။