ပပ်ႉတူမ်ႈႁုင်:ၽၵ်းၵၢတ်ႇ
ပပ်ႉတူမ်ႈႁုင် | လၢႆးမိုဝ်ႉႁုင် | မီႇၵီး | ၽၵ်းၶဵဝ် | ၶူဝ်းၶွင်ၵိၼ် ပိုၼ်ႉထၢၼ်
ၼႂ်းၼိုင်ႈပီ ၶၢဝ်းမႆႈ၊ ၶၢဝ်းၽူၼ်၊ ၶၢဝ်းၵတ်းတင်းသဵင်ႈ ၶၢဝ်းလႂ်ဢမ်ႇဝႃႈ ၽုၵ်ႇၽၵ်းၵၢတ်ႇလႆႈယူႇ။ သွၼ်ႇႁႂ်ႈႁူၼ်းၼမ်ႉလႆႈ၊ သႂ်ႇၽုၼ်ႇလႆႈ၊ လုမ်းလႃးလႆးၵွၺ်းယဝ်ႉ။ လၢႆးၽုၵ်ႇၽၵ်းၵၢတ်ႇသမ်ႉ၊ ဢွၼတၢင်းသုတ်း ႁဵတ်းတိူၵ်ႇသေ ဝၢၼ်ႇၸိူဝ်ႉမၼ်း၊ ပေႃးတႅၵ်ႇငွင်ႉ ဢွၵ်ႇပဵၼ်မႄႈမႃးယဝ်ႉ ၸင်ႇၶၢႆႉတီႈလိၼ်လီမီးၽုၼ်ႇယဝ်ႉ။ တူၼ်ႈတေႃတၢင်းလၢႆၼႆႉ ပိုင်ဢိင်ထၢတ်ႈသၢႆလႅင်းဝၼ်းလႄႈ ထၢတ်ႈၼမ်ႉသွင်ပိူင်လႄႈ ၵႃႈတူၼ်ႈၽၵ်းၵၢတ်ႇ ပႆႇယၼ်ႇႁုၼ်ႈၼၼ်ႉ တေလႆႈႁူတ်းၼမ်ႉပၼ် လုမ်းလႃးပၼ်ယဝ်ႉ။ ဝၢႆးမႃး မၢႆယိူဝ်ႈယႃႈပၼ် ၵူမ်ငဝ်ႈမၼ်းပၼ် ၽၵ်းၵၢတ်ႇဢွၼ်ႇတူၼ်ႈၼႆႉ တေယႂ်ႇမႃႈၵႃႈသုင်မႃးယဝ်ႉ။
ၽၵ်းၵၢတ်ႇၼႆႉ မီးၸိုဝ်ႈသဵင်ဝႃႈ ၽၵ်းၵၢတ်ႇဢွၼ်ႇ၊ ၽၵ်းၵၢတ်ႇၵႆႇၶႄႇ၊ ၽၵ်းၵၢတ်ႇႁူဝ်သွင်း၊ ၽၵ်းၵၢတ်ႇၵၢၼ်ႁၢင်း၊ ၽၵ်းၵၢတ်ႇၼူၵ်ႉယုင်း ၼႆလႄႈ ၽၵ်းၵၢတ်ႇၽိူၵ်ႇ၊ ၽၵ်းၵၢတ်ႇႁေႃ ၼႆယဝ်ႉ။ ၽၵ်းၵၢတ်ႇၼႆႉ သင်ဝႃႈႁုၼ်ႈမႃးယဝ်ႉ၊ ယွတ်ႈၵေႃႈမုၼ်းမႃး၊ မွၵ်ႇၵေႃႈမွၵ်ႇမႃး၊ ၽၼ်းၸိူဝ်ႉမၼ်းၵေႃႈ ပဵၼ်ၸွမ်းဢမ်ႇႁၢင်ႉ။ ၽၵ်းၵၢတ်ႇၼိုင်ႈတွၼ်ႈၼႆႉ ပွတ်းလႂ်တွၼ်ႈၼၼ်ႉ လုၵ်ႉဢဝ်ၸဵမ် မႆ၊ ၵၢၼ်ႈ၊ ယွတ်ႈ၊ မွၵ်ႇၶႅမ်းၸိူဝ်ႉၽၼ်းတင်ႈသဵင်ႈ ယိပ်းတိုဝ်းလႆႈ၊ ၵိၼ်လႆႈမူတ်းမူတ်းယဝ်ႉ။ ၵိုင်ႇပေႃးဝႃႈ ၵႄႇၽတ်းၵၢတ်ႇၼႆယဝ်ႉ။ မၼ်းဢမ်ႇမီးဢၼ်ပႅတ်ႈလၢႆသေဢိတ်း၊ ဢဝ်ၽၵ်းၵၢတ်ႇသေ လဵင်ႉလူတင်းႁိူၼ်းတင်းယေးဢမ်ႇၵႃး လဵင်ႉလႆႈတင်းဝၢၼ်ႈတင်းသူၼ် လဵင်ႉလႆႈၵူၼ်းၽုင်လူင်ၽုင်လၢင်တႄႉၼင်ႇၵဝ်ႇယဝ်ႉ။
ၶူဝ်းႁဵတ်းဢွၵ်ႇမႃးလႆႈ တီႈ ၽၵ်းၵၢတ်ႇ
မႄးထတ်းလၢႆးမိုဝ်ႉႁုင်
မႄးထတ်းလုၵ်ႉတီႈ ၽၵ်းၵၢတ်ႇသေ ၸၢင်ႈႁဵတ်းလႆႈ ၽၵ်းႁုင်၊ ၽၵ်းၶူဝ်ႈ၊ ၽၵ်းၵူဝ်ႈ၊ ၽၵ်းၸေႃး၊ လၢႆႈလေး ၸၵႂႃႇၸိူဝ်းၼႆႉလႄႈ တီႈၽၢႆႇတႂ်ႈၼႆႉတႄႉ ပဵၼ် လၢႆးမိုဝ်ႉႁုင်ၽၵ်းၵၢတ်ႇၵမ်ႈၽွင်ႈ ဢၼ်ပဵၼ်ပိူင်လူင်မၼ်းသေ ပေႃးၶႂ်ႈတူၺ်း သဵၼ်ႈမၢႆ ဢၼ်တဵမ်ထူၼ်ႈမၼ်းတႄႉ တူၺ်းလႆႈတီႈ လၢႆးမိုဝ်ႉႁုင် ၽၵ်းၵၢတ်ႇ ၼၼ်ႉယူႇၶႃႈ။