ပပ်ႉတူမ်ႈႁုင်:ၼိူဝ်ႉၵႆႇသႃႈ

ပပ်ႉတူမ်ႈႁုင် | မီႇၵီး | လၢႆးမိုဝ်ႉႁုင် | လၢႆးႁဵတ်း ဢၼ်သႃႈ

ၼိူဝ်ႉၵႆႇသႃႈ လၢႆးႁဵတ်း (1)

ၼိူဝ်ႉၵႆႇသႃႈ
ပိူင်ထၢၼ်ႈ	လၢႆးႁဵတ်း ဢၼ်သႃႈ
ႁဵတ်းတႃႇ	4
တၢင်းႁိုင်	1 မူင်း၊ 15 မိတ်ႉၼိတ်ႉ
လွင်ႈႁဵတ်းယၢပ်ႇ

မီႇၵီး

1. ၼိူဝ်ႉၵႆႇ - ၸိတ်ႉၼိုင်ႈ
2. ၼမ်ႉမၼ်း - ႁႃႈၵျၢပ်ႈ
3. ၽၵ်းမီႇႁူဝ်လႅင် - သၢမ်ႁူဝ်
4. ၼမ်ႉထူဝ်ႇ၊ ၵိူဝ် - မဵဝ်းဢိတ်းဢိတ်း
5. မႂ်မၢၵ်ႇဢိုၼ်ႈ - ဢိတ်းၼိုင်ႈ
6. မၢၵ်ႇၽႃႈ - ဢိတ်းၼိုင်ႈ
7. ၽွင်ဝၢၼ် - တၢၼ်ႇတၢၼ်ႇ
8. မၢၵ်ႇၽိတ်းလိမ်း - ဢိတ်းၼိုင်ႈ
9. ၽၵ်းမီႇႁေႃ - ၼိုင်ႁူဝ်

လၢႆးႁဵတ်း ၵမ်းၸၼ်ႉၸၼ်ႉ

• သုၵ်ႈၼိူဝ်ႉၵႆႇယဝ်ႉ ၼူတ်ႈလေႃး ၵိူဝ်၊ ၽွင်ဝၢၼ် သေ တူမ်ႈပၼ်လႄႈ။ ပေႃးမၼ်းလၢၼ်ႈမႃး ႁႃႉဢဝ်သေ လူၺ်ႈဢဝ်ၼိူဝ်ႉမၼ်းလႄႈ။
• သွႆး ၽၵ်းမီႇႁူဝ်လႅင်၊ မႂ်မၢၵ်ႇဢိုၼ်ႈ၊ မၢၵ်ႇၽိတ်ႉလိပ်း ၸိူဝ်းၼႆႉလႄႈ။ သွႆးမၢင်မၢင်တႃႉ။
• ၽၵ်းမီႁေႃၵေႃႈ သွႆးမၢင်မၢင်သေ ၶူဝ်ႈၼမ်ႉမၼ်းသေ ႁဵတ်းၼမ်ႉမၼ်းႁွမ်ဝႆႉလႄႈ။
• ပေႃးယဝ်ႉၵေႃႈ ဢဝ်တင်း ၼိူဝ်ႉၵႆႇ ဢၼ်လူၺ်ႈဝႆႉ၊ ၼမ်ႉမၼ်းႁွမ် လႄႈ ဢဝ်ၸိူဝ်း ၽၵ်းမီႇလႅင်၊ မႂ်မၢၵ်ႇဢိုၼ်ႈ၊ မၢၵ်ႇၽိတ်ႉလိပ်းၸိူဝ်းၼႆႉ ၵဝ်လေႃးၵၼ်လႄႈ။ သႂ်ႇၼမ်ႉထူဝ်ႇ (ငၢၼ်ႇပျႃႇယေႇ)၊ ၽွင်ဝၢၼ်သေၵေႃႈ သႃႈလႄႈ။ ယဝ်ႉၵေႃႈ ဢဝ်မၢၵ်ႇၽႃႈ မိပ်ႇသႂ်ႇသေၵေႃႈ ၵိၼ်လႆႈယဝ်ႉ။

ၼိူဝ်ႉၵႆႇသႃႈ လၢႆးႁဵတ်း (2)

ၼိူဝ်ႉၵႆႇသႃႈ
ပိူင်ထၢၼ်ႈ	လၢႆးႁဵတ်း ဢၼ်သႃႈ
ႁဵတ်းတႃႇ	4
တၢင်းႁိုင်	1 မူင်း၊ 15 မိတ်ႉၼိတ်ႉ
လွင်ႈႁဵတ်းယၢပ်ႇ

မီႇၵီး

1. ၼိူဝ်ႉၵႆႇ - ၸိတ်ႉၼိုင်ႈ
2. ၽၵ်းမီႇႁူဝ်လႅင် - သွင်ႁူဝ်
3. မၢၵ်ႇၽႃႈ - ၽၢၵ်ႇၼိုင်ႈ
4. ၵိူဝ်၊ ၼမ်ႉထူဝ်ႇ - မဵဝ်းဢိတ်းဢိတ်း
5. မၢၵ်ႇၽိတ်းလိပ်း - သၢမ်လုၵ်ႈ
6. ၼမ်ႉမၼ်း - ဢိတ်းၼိုင်ႈ

လၢႆးႁဵတ်း ၵမ်းၸၼ်ႉၸၼ်ႉ

• သုၵ်ႈၼိူဝ်ႉၵႆႇယဝ်ႉသေ သႂ်ႇၵိူဝ်တၢၼ်ႇတၢၼ်ႇသေၵေႃႈ တူမ်ႈလႄႈ။
• သွႆး ၽၵ်းမီႇႁူဝ်လႅင်၊ မၢၵ်ႇၽိတ်ႉလပ်း၊ သွႆးမၢင်မၢင်။
• ပေႃးၼိူဝ်ႉၵႆႇ လၢၼ်ႈယဝ်ႉၼႆ ႁႃႉဢဝ် သိၵ်ႇလူၺ်ႈဢဝ်ၼိူဝ်ႉမၼ်းလႄႈ။
• ပေႃးယဝ်ႉၵေႃႈ ဢဝ် ၼိူဝ်ႉၵႆႇ ဢၼ်သိၵ်ႇလူၺ်ႈဝႆႉ၊ မၵ်းမီႇလႅင်၊ မၢၵ်ႇၽိတ်ႉလိပ်း၊ ၼမ်ႉမၼ်းမၢၵ်ႇၽိတ်ႉ ၸိူဝ်းၼႆႉ လေႃးၵၼ်သေ သႃႈလႄႈ။ မိပ်ႇမၢၵ်ႇၽႃႈသႂ်ႇသေၵေႃႈ ၵိၼ်လႆႈယဝ်ႉ